ତେଲେଙ୍ଗାନା ଟ୍ରେନ ଟ୍ରାଜେଡ଼ି, ଜଣଙ୍କ ମୃତଦେହ ଉଦ୍ଧାର

ଚେନ୍ନାଇ: ତେଲେଙ୍ଗାନାର ନାଗରକୁର୍ଣ୍ଣୁଲ ଜିଲ୍ଲାରେ ଭୁଶୁଡ଼ି ପଡ଼ିଥିବା ଏସଏଲବିସି ସୁଡଙ୍ଗ ଭିତରେ ଫସି ରହିଥିବା ଆଠ ଜଣ ଶ୍ରମିକଙ୍କ ମଧ୍ୟରୁ ଜଣଙ୍କ ମୃତଦେହ ମିଳିଛି। ଉଦ୍ଧାରକାରୀ ଦଳଙ୍କ ଅନୁଯାୟୀ, ସୁଡ଼ଙ୍ଗ ଭିତରୁ ଏକ ମୃତଦେହ ମିଳିଛି, ଯାହା ମେସିନରେ ଫସି ରହିଥିଲା। ମୃତଦେହ ବାହାର କରିବା ପାଇଁ ମେସିନ୍ କାଟି ଦିଆଯାଇଛି।

ଶ୍ରମିକମାନଙ୍କୁ ଖୋଜିବା ପାଇଁ ୧୫ ଦିନ ଧରି ଚାଲିଥିବା ଅଭିଯାନକୁ ରବିବାର ଜୋରଦାର କରାଯାଇଥିଲା। କେରଳର ସ୍ନିଫର ଡଗମାନେ ଭଗ୍ନାବଶେଷ ତଳେ ମଣିଷଙ୍କ ଉପସ୍ଥିତି ନେଇ ଏକ ସମ୍ଭାବ୍ୟ ସ୍ଥାନ ଚିହ୍ନଟ କରିଥିଲେ।

ସୂଚନା ଅନୁଯାୟୀ, ୧୪ କିଲୋମିଟର ଲମ୍ବା ସୁଡ଼ଙ୍ଗର ଶେଷ ଅଂଶରେ ଦୁର୍ଘଟଣାସ୍ଥଳରୁ ପ୍ରାୟ ୧୦୦ ମିଟର ଦୂରରେ ଡି-୨ ପଏଣ୍ଟରେ ସ୍ୱତନ୍ତ୍ର ତାଲିମପ୍ରାପ୍ତ କୁକୁରମାନେ ମଣିଷର ଉପସ୍ଥିତି ଚିହ୍ନଟ କରିଥିଲେ।