ପଶ୍ଚିମବଙ୍ଗ ବିଧାନସଭା ନିର୍ବାଚନ; ସବୁ ଆସନରୁ ଲଢିବ AIMIM
କୋଲକାତା: ଅସଦୁଦ୍ଦିନ ଓୱେସିଙ୍କ ନେତୃତ୍ୱାଧୀନ ଦଳ ଆଗାମୀ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ୧୦୦ ପ୍ରତିଶତ ଆସନରେ ଲଢ଼ିବାକୁ ପ୍ରସ୍ତୁତ ହେଉଛି। ଯଦିଓ ୨୦୨୧ ବିଧାନସଭା ନିର୍ବାଚନରେ AIMIM ମଧ୍ୟ ନିର୍ବାଚନ ମୈଦାନରେ ଥିଲା କିନ୍ତୁ ସେଭଳି ପ୍ରଭାବ ପକାଇପାରିନଥିଲା।
AIMIM ନେତା ମହମ୍ମଦ ଇମ୍ରାନ ସୋଲାଙ୍କି କହିଛନ୍ତି, ‘ବଙ୍ଗଳାରେ ଆମର ପ୍ରାୟ ୩ ଲକ୍ଷ ସଦସ୍ୟ ଅଛନ୍ତି ଏବଂ କେବଳ ମାଲଦା ଏବଂ ମୁର୍ଶିଦାବାଦରୁ ୨୦୨୩ ପଞ୍ଚାୟତ ନିର୍ବାଚନରେ ପ୍ରାୟ ୧.୫ ଲକ୍ଷ ଭୋଟ ପାଇଥିଲୁ।’ ୨୦୨୧ ବିଧାନସଭା ନିର୍ବାଚନର ଫଳାଫଳକୁ ନେଇ କହିଛନ୍ତି ଯେ ଏଥର କିନ୍ତୁ ପରିସ୍ଥିତି ଭିନ୍ନ ହେବାକୁ ଯାଉଛି।
ଆମେ ଆଗାମୀ ବିଧାନସଭା ନିର୍ବାଚନରେ ସମସ୍ତ ଆସନରେ ପ୍ରାର୍ଥୀ ଦେବାକୁ ଚାହୁଁଛୁ ଏବଂ ବ୍ଲକ ସ୍ତରରେ କାମ କରିବା ଆରମ୍ଭ କରିଛୁ। ସେ କହିଛନ୍ତି, ‘ମମତା ବାନାର୍ଜୀ ହିନ୍ଦୁ ପରିଚୟ ବଜାୟ ରଖୁଛନ୍ତି, ବିଜେପି ଏକ ଭିନ୍ନ ଖେଳ ଖେଳୁଛି, କିନ୍ତୁ କେବଳ ଜନତା ହିଁ ହାରିଛନ୍ତି।’ ଭୋଟରମାନଙ୍କୁ ବିକଳ୍ପ ଆବଶ୍ୟକ। ଉତ୍ତର ବଙ୍ଗ ଏବଂ ମାଲଦାରେ ଆମର ସମର୍ଥନ ଦୃଢ଼ ରହିଛି।
