ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ19/03/2025 at 10:08 AM
ନୂଆଦିଲ୍ଲୀ: IPL 2025 ଆରମ୍ଭ ହେବାକୁ ଆଉ ମାତ୍ର ତିନି ଦିନ ବାକି ଅଛି। ଏହି ଟି-୨୦ ଲିଗର ପ୍ରଥମ ମ୍ୟାଚ୍ ୨୨ ମାର୍ଚ୍ଚରେ କୋଲକାତା ନାଇଟ୍ ରାଇଡର୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯିବ। ଯଦିଓ T20 ଲିଗକୁ ନେଇ ଆଶଙ୍କା ଦେଖାଦେଇଛି। ଯାହା ଯୋଗୁଁ ବିସିସିଆଇ ମଧ୍ୟ ବଡ଼ କାର୍ଯ୍ୟାନୁଷ୍ଠାନ ନେଇପାରେ। ଏହାର କାର୍ଯ୍ୟସୂଚୀରେ ପରିବର୍ତ୍ତନ ହୋଇପାରେ ବୋଲି ମଧ୍ୟ ଅନୁମାନ କରାଯାଉଛି।
କୋଲକାତା ନାଇଟ୍ ରାଇଡର୍ସ ଏବଂ ଲକ୍ଷ୍ନୌ ସୁପରଜାଏଣ୍ଟସ୍ ମଧ୍ୟରେ ମ୍ୟାଚ୍ ୬ ଏପ୍ରିଲରେ କୋଲକାତାର ଇଡେନ୍ ଗାର୍ଡେନରେ ଖେଳାଯିବ। କିନ୍ତୁ ଏବେ ସୂଚନା ମିଳିଛି ଯେ ଏହି ମ୍ୟାଚ୍ ପୁନଃନିର୍ଦ୍ଧାରିତ ହେବାର ସମ୍ଭାବନା ଅଛି, ଯାହାର କାରଣ ରହିଛି ସୁରକ୍ଷା। କାରଣ ଏହି ଦିନ ରାମନବମୀ ହୋଇଥିଲା ବେଳେ ଅନେକ ଶୋଭାଯାତ୍ରା ମଧ୍ଯ ବାହାରିଥାଏ। ଏପରି ପରିସ୍ଥିତିରେ, ଏହି ମ୍ୟାଚ୍ ସ୍ଥଗିତ ରଖିବା ନେଇ ଆଲୋଚନା ହେଉଛି।
କ୍ରିକେଟ ଆସୋସିଏସନ ଅଫ୍ ବେଙ୍ଗଲ ସଭାପତି ସ୍ନେହାଶିଷ ଗାଙ୍ଗୁଲି ମଙ୍ଗଳବାର ଦିନ ସୂଚନା ଦେଇ କହିଛନ୍ତି ଯେ ସହର ପୋଲିସ ସହିତ ଦୁଇ ପର୍ଯ୍ୟାୟ ଆଲୋଚନା ପରେ କର୍ତ୍ତୃପକ୍ଷ ମ୍ୟାଚ୍ ପାଇଁ ଅନୁମୋଦନ ଦେଇନାହାଁନ୍ତି। ସେମାନେ ପର୍ଯ୍ୟାପ୍ତ ସୁରକ୍ଷା ଯୋଗାଇ ପାରିବେ ନାହିଁ। ଯଦି ପୋଲିସ ସୁରକ୍ଷା ନ ଥାଏ, ତେବେ ୬୫,୦୦୦ ଲୋକଙ୍କ ଭିଡ଼କୁ ସମ୍ଭାଳିବା ଅସମ୍ଭବ ହୋଇଯିବ। ଏନେଇ ଆମେ ବିସିସିଆଇକୁ ଜଣାଇଛୁ ଏବଂ ସେମାନେ ଏନେଇ ଯାହା ଚୂଡ଼ାନ୍ତ ନିଷ୍ପତ୍ତି ନେବେ।