ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ21/03/2025 at 10:31 AM
ନୂଆଦିଲ୍ଲୀ: ଆଇସିସି ଚାମ୍ପିଅନ୍ସ ଟ୍ରଫି ଜିତିଥିବା ଭାରତୀୟ ଦଳ ଉପରେ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (ବିସିସିଆଇ) ଟଙ୍କା ବର୍ଷା କରିଛି। ବୋର୍ଡ ଟିମ୍ ଇଣ୍ଡିଆ ପାଇଁ ୫୮ କୋଟି ଟଙ୍କାର ନଗଦ ପୁରସ୍କାର ରାଶି ଘୋଷଣା କରିଛି। ଏହି ଆର୍ଥିକ ଲାଭ ଖେଳାଳି, ପ୍ରଶିକ୍ଷକ ଏବଂ ସହାୟକ କର୍ମଚାରୀଙ୍କ ସହିତ ଅଜିତ ଅଗରକରଙ୍କ ନେତୃତ୍ୱାଧୀନ ପୁରୁଷ ଚୟନ କମିଟିର ସଦସ୍ୟମାନଙ୍କୁ ଦିଆଯିବ।
ବିସିସିଆଇ ସଭାପତି ରୋଜର ବିନ୍ନି ଏକ ବିଜ୍ଞପ୍ତିରେ କହିଛନ୍ତି, କ୍ରମାଗତ ଆଇସିସି ଟାଇଟଲ ଜିତିବା ସ୍ୱତନ୍ତ୍ର। ଏହି ପୁରସ୍କାର ବିଶ୍ୱ ସ୍ତରରେ ଟିମ୍ ଇଣ୍ଡିଆର ସମର୍ପଣ ଏବଂ ଉତ୍କର୍ଷତାକୁ ସ୍ୱୀକୃତି ଦେଉଛି। ୨୦୨୫ ଚାମ୍ପିଅନ୍ସ ଟ୍ରଫିର ଫାଇନାଲରେ ଭାରତ ନ୍ୟୁଜିଲ୍ୟାଣ୍ଡକୁ ଚାରି ୱିକେଟରେ ପରାସ୍ତ କରି ଟାଇଟଲ ଜିତିଥିଲା। ଏହା ଭାରତର ଲଗାତାର ଦ୍ୱିତୀୟ ଆଇସିସି ଟୁର୍ଣ୍ଣାମେଣ୍ଟ ଟାଇଟଲ ଥିଲା। ପୂର୍ବରୁ ୨୦୨୪ ମସିହାରେ ଟିମ୍ ଇଣ୍ଡିଆ ଟି-୨୦ ବିଶ୍ୱକପ୍ ଜିତିଥିଲା।