ଓଡ଼ିଶା ଡଟ୍ ନ୍ୟୁଜ୍25/03/2025 at 9:08 AM
ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ କରାଯାଇଛି ମହାସ୍ନାନ । ମହାପ୍ରଭୁଙ୍କ ମଙ୍ଗଳ ଆଳତୀ ପରେ ମଇଲମ ଚାଲିଥିବା ବେଳେ ଶ୍ରୀମନ୍ଦିରରେ ଅଘଟଣ ଯୋଗୁଁ ତିନି ଠାକୁରଙ୍କ କରାଯାଇଛି ମହାସ୍ନାନ । ପାଳିଆ ସେବକଙ୍କୁ ଜଣେ ସେବାୟତ ଛୁଇଁ ଦେବାରୁ ତିନି ଠାକୁରଙ୍କ ମହାସ୍ନାନ କରାଯାଇଛି ।
ଆଜି ଭୋରୁ ଶ୍ରୀଜିଉଙ୍କ ମଇଲମ ଚାଲିଥିଲା । ଏହି ସମୟରେ ଜଣେ ସେବାୟତ ସିଂହାସନରେ ବସିଥିବା ପାଳିଆ ସେବକଙ୍କୁ ଛୁଇଁ ଦେଇଥିଲେ । ଏଥିପାଇଁ ଶ୍ରୀଜିଉଙ୍କ ମହାସ୍ନାନ କରାଯାଇଛି । ମହାସ୍ନାନ ନୀତି ପାଇଁ ସର୍ବସାଧାରଣଙ୍କ ଦର୍ଶନ ଓ ନୀତି ବନ୍ଦ ରହିଥିଲା । ପାଣି ପଡି ଧୁଆ ହେବା ପରେ ମହାପ୍ରଭୁଙ୍କ ପରବର୍ତ୍ତୀ ନୀତି ଓ ଦର୍ଶନ ବ୍ୟବସ୍ଥା ସ୍ବାଭାବିକ ହୋଇଛି ।