ଓଡ଼ିଶା ଡଟ୍ ନ୍ୟୁଜ୍27/03/2025 at 10:57 AM
ବାରିପଦା: ମାଫିଆଙ୍କୁ ନିସ୍ତାର ନାହିଁ । ଗୋଡ଼ାଇ ଗୋଡ଼ାଇ ଧରୁଛି ପୋଲିସ । ରାଜ୍ୟରେ ଲଘୁ ଖଣିଜ ଲୁଟ୍ ରୋକିବାକୁ ବାରିପଦାରେ ପ୍ରଶାସନର ବ୍ୟାପକ ଧରପଗଡ଼ । ବାଲି ଚୋରା ଚାଲାଣ କରୁଥିବା ମାଫିଆଙ୍କୁ ଧରିଲା ପୋଲିସ । ମାଫିଆଙ୍କର ୨ଟି ଏସକର୍ଟ କାର୍ ସମେତ ଗୋଟିଏ ବାଇକ ଓ ୨ଟି ଟ୍ରାକ୍ଟର ଜବତ, ୮ ଜଣଙ୍କ ନାଁରେ ମାମଲା । ଜଣେ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରିଛି ବାରିପଦା ପୋଲିସ ।
ବାଲେଶ୍ୱ-ମୟୂରଭଞ୍ଜ ସୀମାନ୍ତ ବୁଢ଼ାବଳଙ୍ଗ ନଦୀ ପଠାରୁ ବେଧଡକ ଭାବେ ବେଆଇନ ଚାଲାଣ ଚାଲିଥିଲା । ଖବର ପାଇ ବେତନଟୀ ମହିଳା ଏସଡିପିଓଙ୍କ ଦ୍ୱାରା ଗଠିତ ସ୍ୱତନ୍ତ୍ର ଟିମ୍ ୨ଟି ସ୍ଥାନରେ ଚଢ଼ଉ କରି ବାଲି ବୋଝେଇ ଟ୍ରାକ୍ଟର ସମେତ ଏସକର୍ଟ କରି ନେଉଥିବା ୨ଟି କାର ଓ ବାଇକକୁ ଜବତ କରିଛି । ଅଲଗା ଅଲଗା ଦୁଇଟି ମାମଲାରେ ୮ ଜଣଙ୍କ ନାଁରେ ରୁଜୁ କରିବା ସହ ଟ୍ରାକ୍ଟର ଡ୍ରାଇଭରଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।