ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ31/03/2025 at 8:52 AM
ନୂଆଦିଲ୍ଲୀ: ରବିବାର ଦିନ OpenAI କମ୍ପାନୀର AI ପ୍ଲାଟଫର୍ମ ChatGPT ସାରା ବିଶ୍ୱରେ ଡାଉନ ହୋଇଯାଇଥିଲା। ଚାଟଜିପିଟି ଆକ୍ସେସ୍ କରିବାରେ ୟୁଜର୍ସମାନେ ବହୁତ ଅସୁବିଧାର ସମ୍ମୁଖୀନ ହେଉଥିଲେ। ଏହାର କାରଣ ହେଉଛି ଏହାର ନୂତନ ଷ୍ଟୁଡିଓ ଘିବଲି ଷ୍ଟାଇଲ୍ ଇମେଜ୍ ଜେନେରେସନ୍ ଫିଚରର ଅଦ୍ଭୁତ ଲୋକପ୍ରିୟତା।
ଡାଉନଡିଟେକ୍ଟରର ରିପୋର୍ଟ ଅନୁଯାୟୀ, ୨୯୪ ଜଣ ୟୁଜର୍ସ ଓପନଏଆଇର ସେବାରେ ସମସ୍ୟା ଥିବା ରିପୋର୍ଟ କରିଥିଲେ। ଏଥିମଧ୍ୟରୁ ୫୩ ପ୍ରତିଶତ ସମସ୍ୟା ChatGPT ସହ ଜଡିତ ଥିଲା। ଓପନ୍ ଏଆଇ ଏହାକୁ ଆନୁଷ୍ଠାନିକ ଭାବରେ ସ୍ୱୀକାର କରିଛି ଏବଂ ଲେଖିଛନ୍ତି ଯେ ଆମେ ବର୍ତ୍ତମାନ ସମସ୍ୟାର ସମ୍ମୁଖୀନ ହେଉଛୁ। ପ୍ରାୟ ୩୦ ମିନିଟ୍ ପରେ, OpenAI କହିଲା ଯେ ସମସ୍ତ ChatGPT ସେବା ସମ୍ପୂର୍ଣ୍ଣ ସ୍ବାଭାବିକ ହୋଇଛି। OpenAI ସମ୍ପ୍ରତି ଏକ ନୂତନ ପ୍ରତିଛବି ଜେନେରେସନ୍ ଫିଚର ଲଞ୍ଚ କରିଛି। ଏହା ଆପଣଙ୍କୁ ଜାପାନର ପ୍ରସିଦ୍ଧ ଆନିମେସନ୍ ଷ୍ଟୁଡିଓ ଘିବଲି ଶୈଳୀରେ ପ୍ରତିଛବି ସୃଷ୍ଟି କରିବାକୁ ଅନୁମତି ଦିଏ। ଏହି ଫିଚର ଆସିବା ପରେ ସୋସିଆଲ ମିଡିଆରେ ଉପଭୋକ୍ତାଙ୍କ ସଂଖ୍ୟା ହଠାତ୍ ବୃଦ୍ଧି ପାଇଥିଲା। ଏହି କାରଣରୁ, ସର୍ଭର ଉପରେ ଲୋଡ ବହୁତ ବଢ଼ିବାରୁ ଏହା ଡାଉନ ହୋଇଯାଇଥିଲା।
OpenAI ସିଇଓ ସାମ୍ ଅଲ୍ଟମ୍ୟାନ୍ ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରି ଲେଖିଛନ୍ତି, ‘ଆପଣମାନେ ସମସ୍ତେ ଦୟାକରି ପ୍ରତିଛବି ସୃଷ୍ଟିକୁ ଟିକେ କମ୍ କରିପାରିବେ କି?’ ଆମ ଟିମକୁ ଶୋଇବା ଦରକାର। କେବଳ ଏତିକି ନୁହେଁ, ସେ କହିଛନ୍ତି ଯେ ଅତ୍ୟଧିକ ବ୍ୟବହାର ଯୋଗୁଁ ଏହାର GPU ପ୍ରଭାବିତ ହେଉଛି। ସେ ଆହୁରି ମଧ୍ଯ କହିଛନ୍ତି ଯେ ସେ ଆଗାମୀ ଦିନରେ ଆନିମେସନ ଫଟୋ ସଂଖ୍ୟାକୁ ସୀମିତ କରିବେ। ଯାହା ଦ୍ଵାରା ଚାପ ହ୍ରାସ କରାଯାଇପାରିବ।