ଓଡ଼ିଶା ଡଟ୍ ନ୍ୟୁଜ୍2/04/2025 at 8:51 AM
ନୂଆଦିଲ୍ଲୀ: ଚୀନ ରାଷ୍ଟ୍ରପତି ସି ଜିନପିଙ୍ଗ ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ କଲେ ଫୋନ । ଭାରତ-ଚୀନ କୂଟନୀତି ସମ୍ପର୍କକୁ ୭୫ ବର୍ଷ ପୂରିଛି । ଏହି ଅବସରରେ ସେ ମହାମହିମଙ୍କୁ ଫୋନ କରି କଥା ହୋଇଛନ୍ତି । ଏହି ଅବସରରେ ଉଭୟ ଦେଶର ସମ୍ପର୍କକୁ ଅଧିକ ମଜଭୁତ କରିବା, ଶୀର୍ଷକୁ ନେବାକୁ ବାର୍ତ୍ତା ଦେଇଛନ୍ତି ଚୀନ ରାଷ୍ଟ୍ରପତି ।
ଏଥିସହ ଯେଉଁଭଳି ଭାବେ ଡ୍ରାଗନ ଓ ହାତୀଙ୍କ ମିଳିତ ନୃତ୍ୟ ଟାଙ୍ଗୋ ସକରାତ୍କମ ବାର୍ତ୍ତା ଦିଏ ସେଭଳି ଉଭୟ ଦେଶଙ୍କ ସମ୍ପର୍କ ରହୁ ବୋଲି ଚୀନ ରାଷ୍ଟ୍ରପତି ଆଶାବ୍ୟକ୍ତ କରିଛନ୍ତି ।
ଗଲୱାନ ଘାଟି ହିଂସା ପରେ ଉଭୟ ଦେଶ ମଧ୍ୟରେ ବିବାଦ ଓ ତିକ୍ତତା ଜାରି ରହିଛି । ଏହା ଭିତରେ ରାଷ୍ଟ୍ରପତିଙ୍କ ସହ ଆଲୋଚନା କରି ଚୀନ ରାଷ୍ଟ୍ରପତି କୁଟନୀତି ସମ୍ପର୍କକୁ ନେଇ ସକରାତ୍ମକ ବାର୍ତ୍ତା ଦେବା ଗୁରୁତ୍ବ ବହନ କରୁଛି ।