ସୌମିତ୍ରି ମେହେର3/04/2025 at 6:52 PM
ବୀରମହାରାଜପୁର : (ସୌମିତ୍ରି ମେହେର )
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଜଟେସିଂଘା ପଞ୍ଚାୟତ ର ପୂର୍ବତନ ସରପଞ୍ଚ ଗଦାଧର ପଣ୍ଡା ଙ୍କ (70ବର୍ଷ) ହୃଦଘାତ ରେ ପରଲୋକ ହୋଇଯାଇଛି I ସେ ଉକ୍ତ ପଞ୍ଚାୟତରେ ତିନି ଥର ସରପଞ୍ଚ ହୋଇଥିବା ବେଳେ ଭାରତୀୟ ଜନତାପାର୍ଟି ର ବିଭିନ୍ନ ସମୟରେ ମଣ୍ଡଲ ସଭାପତି , ଜିଲ୍ଲା କୃଷକ ମୋର୍ଚ୍ଚା ସଭାପତି, ବ୍ଲକ ଆତ୍ମା କମିଟି ଅଧ୍ୟକ୍ଷ ଆଦି ବିଭିନ୍ନ ପଦ ପଦବୀରେ ରହି ଲୋକ ପ୍ରିୟ ହାସଲ କରିଛନ୍ତି l ସେ ଏକା ଧାରରେ ଜଣେ ନେତା, ସାମାଜ ସେବୀ , ପରୋପକାରୀ , ନାଟ୍ୟ ନିର୍ଦ୍ଦେଶକ , ରାମଲୀଳା କଳାକାର , କୀର୍ତ୍ତନ ଗୁରୁ , ସଫଳ ଚାଷୀ ତଥା ବିଭିନ୍ନ ଶିକ୍ଷାନୁଷ୍ଠାନ ସହିତ ଜଡିତ ଥିଲେ l ତାଙ୍କର ମୃତ୍ୟୁରେ ବୀରମହାରାଜପୁର ତଥା ସୁବର୍ଣ୍ଣପୁର ଜିଲ୍ଲା ରେ ଶୋକର ଛାୟା ଖେଳିଯାଇଛି l ମୃତ୍ୟୁ ସମୟରେ ପତ୍ନୀ , ଦୁଇ ପୁଅ ତଥା ପରିବାର ବର୍ଗ ଉପସ୍ଥିତ ଥିବାବେଳେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ତାଙ୍କ ବଡଖମାର ସ୍ଥିତ ବାସଭବନରେ ପହଂଚି ଶେଷ ଦର୍ଶନ କରିବା ସହିତ ଶୋକ ସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି I ଗ୍ରାମ ଶ୍ମସାନରେ ବୁଧବାର ତାଙ୍କର ଅନ୍ତିମ ସଂସ୍କାର କରାଯାଇଥିଲା ଏବଂ ବଡ ପୁଅ ସତ୍ୟ ମୁଖାଗ୍ନି ଦେଇଥିଲେ I