ଓଡ଼ିଶା ଡଟ୍ ନ୍ୟୁଜ୍

5/04/2025 at 11:26 AM

ଭୁବନେଶ୍ବର: ମଧ୍ୟବିତ୍ତ ପରିବାରଙ୍କ ପାଇଁ ଖୁସି ଖବର । ଲକ୍ଷେ ଛୁଇଁବାକୁ ଯାଉଥିବା ସୁନା ଦର ତଳମୁହାଁ ହୋଇଛି । ଆଗାମୀ ଦିନରେ ସୁନା ସ ରୁପା ଦର ଆହୁରି କମିବ । ଏପରିକି ସୁନା ଭରି ୫୬ ହଜାର ଟଙ୍କା ପର୍ଯ୍ୟନ୍ତ ଖସିବ ବୋଲି ବିଶେଷଜ୍ଞ ଅନୁମାନ କରିଛନ୍ତି ।

ବିଶେଷଜ୍ଞଙ୍କ ମତରେ ଆଗାମୀ ଦିନରେ ସୁନା ଦର ୪୦ ପ୍ରତିଶତ ପର୍ଯ୍ୟନ୍ତ ହ୍ରାସ ପାଇପାରେ । ଏପରି ହେଲେ ସୁନା ପୁଣି ମଧ୍ୟବର୍ଗ କିଣିବା ସମ୍ଭବ ହୋଇପାରିବ । ଗତ ବର୍ଷକ ମଧ୍ୟରେ ସୁନା ଦର ୩୫ରୁ ୪୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇଛି । ହେଲେ ଆଗାମୀ ଦିନରେ ସୁନା ଦରରେ ଭୟଙ୍କର ହ୍ରାସ ହେବାର ସମ୍ଭାବନା ରହିଛି । ଏହି ହ୍ରାସ ୩୮ ପ୍ରତିଶତରୁ ବି ଅଧିକ ହୋଇପାରେ ବୋଲି ଆକଳନ କରାଯାଉଛି ।

ଏପରି କିଛି ହେଲେ ସୁନା କିଣୁଥିବା ଲୋକଙ୍କର ଲାଭ ହୋଇପାରେ । ହେଲେ ନିବେଶକଙ୍କୁ ବିପୁଳ କ୍ଷତି ସହିବାକୁ ପଡ଼ିବ । ବଜାରରେ ବର୍ତ୍ତମାନର ସନୁା ଦର ଆର୍ଥିକ ଅନିଶ୍ଚିତତା, ମୁଦ୍ରାସ୍ପିତି ଚିନ୍ତା ଆଦି ପାଇଁ ବଢିଛି । ଏବେ ବର୍ଦ୍ଧିତ ସୁନା ଓ ରୁପା ଦରରୁ ସାମାନ୍ୟ ଆଶ୍ବସ୍ତି ମିଳିଛି । ଗୋଟିଏ ଦିନରେ ୨୨ କ୍ୟାରେଟ୍ ସୁନା ଦର ୧୬ ଶହ ଟଙ୍କା କମିଥିବା ବେଳେ ୨୪ କ୍ୟାରେଟ୍‌ ସୁନା ୧୭୪୦ ଟଙ୍କା ଶସ୍ତା ହୋଇଛି ।