ରାଜାରାମ ଷଡଙ୍ଗୀ5/04/2025 at 8:28 PM
ସମ୍ବଲପୁର:ଶନିବାର ଅପରାହ୍ନରେ ସମ୍ପ୍ରତି ପିଲାଙ୍କ ମଧ୍ୟରେ ଦକ୍ଷତା ବିକାଶ ବୃଦ୍ଧି ପାଇଁ ଲାଇବ୍ରେରୀ ପ୍ରଥମ ମହଲା ହଲ ରେ ଓଡିଶା ମୁକ୍ତ ବିଶ୍ୱବିଦ୍ୟାଳୟ ତରଫରୁ ଏକ ଦକ୍ଷତା ବିକାଶ କେନ୍ଦ୍ର ପ୍ରତିଷ୍ଠା ପାଇଁ ଓଡିଶା ରାଜ୍ୟ ମୁକ୍ତବିଶ୍ଵବିଦ୍ୟାଳୟ ଓ ସବଲପୁର ପବ୍ଲିକ ଲାଇବ୍ରେରୀ ମଧ୍ୟରେ ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଛି।ଓଡିଶା ମୁକ୍ତ ବିଶ୍ୱ ବିଦ୍ୟାଳୟ ର କୁଳପତି ପ୍ରଫେସର ଶ୍ୟାମସୁନ୍ଦର ପଟ୍ଟନାୟକ ଙ୍କ ଉପସ୍ଥିତି ରେ ଲାଇବ୍ରେରୀ ତରଫରୁ ଅଧ୍ୟକ୍ଷ ପ୍ରଫେସର ଆଦିତ୍ୟ ପ୍ରସାଦ ପାଢ଼ୀ ଓ ମୁକ୍ତ ବିଶ୍ୱବିଦ୍ୟାଳୟ ତରଫରୁ ଅନୁଷ୍ଠାନ ର କୂଳସଚିବ ପ୍ରଫେସର ଚିତ୍ତରଞ୍ଜନ ସାହୁ ଏହି ଚୁକ୍ତି ପତ୍ର ରେ ସ୍ଵାକ୍ଷର କରିଥିଲେ।ଏହି ଅବସରରେ ଲାଇବ୍ରେରୀ ର ଉପାଧ୍ୟକ୍ଷ ପ୍ରଫେସର ଶଙ୍କର ପ୍ରସାଦ ପତି,ଯୁଗ୍ମ ସଂପାଦକ ରାଜେନ୍ଦ୍ର ପଣ୍ଡା,ସଭ୍ୟ ପ୍ରୋ.ସେବକ ତ୍ରିପାଠୀ, ଇ: ସୁଶାନ୍ତ କୁମାର ଗୁରୁ,କୋଷାଧ୍ୟକ ପୃଥ୍ବୀରାଜ ମିଶ୍ର ଓ ଗୋଳକ ବିହାରୀ ମିଶ୍ର ପ୍ରମୁଖ ଉପସ୍ଥିତ ଥିଲେ।ନିଜର ଅଭିଭାଷଣ ରେ କୁଳପତି ପ୍ରୋ ପଟ୍ଟନାୟକ ଏହି କେନ୍ଦ୍ରଦ୍ୱାରା ଯୁବଗୋଷ୍ଠୀ ଅତ୍ୟାଧୁନିକ ଜ୍ଞାନକୌଶଳ ରେ ଉପକୃତ ହେବାର ସୂଚନା ଦେଇଥିଲେ।ମୁକ୍ତବିଶ୍ଵବିଦ୍ୟାଳୟ ତରଫରୁ ଶ୍ରୀ ରେବଶଙ୍କର ଭୋଇ ଓ ଅଭିଷେକ ମହନ୍ତ ପ୍ରମୁଖ ସହଯୋଗ କରିଥିବା ବେଳେ ସଭ୍ୟ ସମ୍ପାଦକ ରଘୁନାଥ ମିଶ୍ର ଧନ୍ୟବାଦ ଅର୍ପଣ କରିଥିଲେ।ଏହି ଅବସରରେ ଉପସ୍ଥିତ ସଦସ୍ୟ ଙ୍କୁ ବିଶ୍ୱବିଦ୍ୟାଳୟ ସୂତ୍ରରୁ ଗୀତା ପୁସ୍ତକ ପ୍ରଦାନ କରାଯାଇଥିଲା।