ରାଜାରାମ ଷଡଙ୍ଗୀ9/04/2025 at 4:47 AM
କୁଚିଣ୍ଡା: କୁଚିଣ୍ଡା ଉପଖଣ୍ଡ ର ଅର୍ଡାବାହାଲସ୍ଥିତ ପି ଏମ ଶ୍ରୀ ଘୋଷିତ ଉଚ୍ଚ ମାଧ୍ୟମିକ ବାଳିକା ଉଚ୍ଚ ବିଦ୍ୟାଳୟର ବାର୍ଷିକୋତ୍ସବ ଅଧ୍ୟକ୍ଷ ରଞ୍ଜନ ନାୟକ ଙ୍କ ସଭାପତି ତ୍ୱରେ ଅନୁଷ୍ଠିତ ହୋଇ ଯାଇଛି ।ଏଥିରେ ଜିଲ୍ଲା କଲ୍ୟାଣ ଅଧିକାରୀ ମୃତ୍ୟୁଞ୍ଜୟ ବଡ଼ପଣ୍ଡା ମୁଖ୍ୟ ଅତିଥି ,ସମାଜ ସେବୀ ଓ ଶିକ୍ଷାବିତ୍ ସୁବାସ ଚନ୍ଦ୍ର ନାୟକ ମୁଖ୍ୟବକ୍ତା, ପୂର୍ବତନ ବିଧାୟକ ବୃନ୍ଦାବନ ମାଝୀ ସ୍ଵତନ୍ତ୍ର ଅତିଥି, ଭୋଜପୁରୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଇରୀନା ମିଞ୍ଜ, ଟିକିଲି ପଡ଼ା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ବାସନ୍ତୀ ବେହେରା,ଅର୍ଡ ବହଳ ବାଳିକା ଉଚ୍ଚ ବିଦ୍ୟାଳୟର ହରିହର ନାଏକ, ସମିତି ସଭ୍ୟା ଚଂପବତି ବେହେରା, ସାମ୍ବାଦିକ ବିରଞ୍ଚି ନାରାୟନ ଦାର୍କା ଓ ଅବସର ପ୍ରାପ୍ତ ଶିକ୍ଷକ ସୌଭାଗ୍ୟ ପଟେଲ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ ।ସେମାନେ ତାଙ୍କ ବକ୍ତବ୍ୟ ରେ ଛାତ୍ରୀ ଗଣ ଭବିଷ୍ୟତ ର ସୁନଗରିକ ହେବାକୁ କଠିନ ପରିଶ୍ରମ କରିବାକୁ ଆହ୍ବାନ ଦେଇଥିଲେ । ଅତିଥି ଗଣ କୃତି ପ୍ରତିଯୋଗୀ ଙ୍କୁ ପୁରସ୍କୃତ କରିଥିଲେ । କାର୍ଯ୍ୟକ୍ରମରେ ଅଧ୍ୟାପିକା ଶୁଭ ଲକ୍ଷ୍ମୀ ପଟ୍ଟନାୟକ ସ୍ଵାଗତ ଭାଷଣ ଦେଇଥିବା ବେଳେ ପୁରସ୍କାର ବିତରଣ ଉତ୍ସବ କୁ ବରିଷ୍ଟ ଅଧ୍ୟାପିକା ତୃପ୍ତି ପଟେଲ ପରିଚାଳନା କରିଥିଲେ ।ଶେଷରେ ବରିଷ୍ଠ ଶିକ୍ଷକ ରାଜେନ୍ଦ୍ର ସାହୁ ଧନ୍ୟବାଦ୍ ଅର୍ପଣ କରିଥିଲେ।