ରାଜଧାନୀରେ ଭୟଙ୍କର ଦୁର୍ଘଟଣା

ଭୁବନେଶ୍ବର: ରାଜଧାନୀରେ ଭୟଙ୍କର ଦୁର୍ଘଟଣା। ପଛକୁ ପଛ ୩ ଟ୍ରକ୍ ଧକ୍କା। ଗତକାଲି ରାତିରେ ଭୁବନେଶ୍ବର ପଳାଶୁଣି ଛକରେ ଏଭଳି ଦୁର୍ଘଟଣା ଦେଖିବାକୁ ମିଳିଛି।

ସୂଚନା ଅନୁଯାୟୀ, କଟକ ଆଡକୁ ଯାଉଥିବା ଏକ ଟ୍ରକ୍ ପ୍ରଥମେ ଭାରସାମ୍ୟ ହରାଇ ଡିଭାଇଡରରେ ପିଟି ହୋଇଯାଇଥିଲା । ଏହା ପଛରେ ଆସୁଥିବା ଅନ୍ୟ ଦୁଇଟି ଟ୍ରକ୍ ଦୁର୍ଘଟଣାଗ୍ରସ୍ତ ଟ୍ରକକୁ ଧକ୍କା ଦେଇଥିଲା । ପୋଲିସ ଖବରପାଇ ଦୁର୍ଘଟଣାସ୍ଥଳରୁ ଗାଡି ଗୋଡିକ ହଟାଇବା ସହ ଏନେଇ ତଦନ୍ତ ଜାରି ରଖିଛି । ଦୁର୍ଘଟଣାରେ ଜଣେ ଗୁରୁତର ଆହତଙ୍କୁ ପୋଲିସ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି।

ଫଳରେ କିଛି ସମୟ ପାଇଁ ପଳାଶୁଣି ଛକରେ ଗାଡିମୋଟର ଯାତାୟତରେ ବାଧା ଉପୁଜିଥିଲା । ତେବେ ଏହାକୁ ନେଇ ରାତିରେ ଏକ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା।