ଟିମ୍ ଇଣ୍ଡିଆର ବାଂଲାଦେଶ ଗସ୍ତ ନେଇ ଘୋଷଣା

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ବାଂଲାଦେଶ ଗସ୍ତ ଘୋଷଣା କରାଯାଇଛି। ଏହି ଗସ୍ତ ଚଳିତ ବର୍ଷ ଅଗଷ୍ଟ ମାସରେ ହେବ। ଯେଉଁଠାରେ ମୋଟ ୬ଟି ମ୍ୟାଚ୍ ଖେଳାଯିବ। ପ୍ରଥମେ ODI ସିରିଜ୍ ଆୟୋଜନ କରାଯିବ, ତା’ପରେ T20 ମ୍ୟାଚ୍ ଖେଳାଯିବ।

୧୭ ଅଗଷ୍ଟରୁ ପ୍ରଥମ ODI ସିରିଜ୍। ଏହା ପରେ ଅଗଷ୍ଟ ୨୦ ଏବଂ ଅଗଷ୍ଟ ୨୩ରେ ODI ମ୍ୟାଚ୍ ଅନୁଷ୍ଠିତ ହେବ। ଏହା ପରେ ୨୬ ଅଗଷ୍ଟ, ୨୯ ଅଗଷ୍ଟ ଏବଂ ଶେଷରେ ୩୧ ଅଗଷ୍ଟରେ ଟି-୨୦ ଆନ୍ତର୍ଜାତୀୟ ମ୍ୟାଚ୍ ଖେଳାଯିବ। ଏହି ଦ୍ୱିପାକ୍ଷିକ ସିରିଜ୍ ଦୁଇ ଦକ୍ଷିଣ ଏସୀୟ ପଡ଼ୋଶୀଙ୍କ ମଧ୍ୟରେ ବଢ଼ୁଥିବା କ୍ରିକେଟ୍ ପ୍ରତିଦ୍ୱନ୍ଦ୍ୱିତାକୁ ଆହୁରି ମଜବୁତ କରିବ। ଏହି ଗସ୍ତ ଭାରତର ଇଂଲଣ୍ଡ ଟେଷ୍ଟ ଗସ୍ତ ଏବଂ ଘରୋଇ ସିଜନ ମଧ୍ୟରେ ହେବ।

ଭାରତ ଜୁନ୍, ଜୁଲାଇ ଏବଂ ଅଗଷ୍ଟ ମାସରେ ଇଂଲଣ୍ଡ ବିପକ୍ଷରେ ୫ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବ। ଏହି ଧାରାବାହିକ ଅଗଷ୍ଟ ୪ ତାରିଖରେ ଶେଷ ହେବ। ଭାରତର ଘରୋଇ ସିଜିନ୍ ଅକ୍ଟୋବର ମାସରେ ଆରମ୍ଭ ହେବ। ଯେତେବେଳେ ୱେଷ୍ଟ ଇଣ୍ଡିଜ୍ ଏବଂ ଦକ୍ଷିଣ ଆଫ୍ରିକା ଦଳ ଭାରତ ଗସ୍ତ କରିବେ। ଭାରତର ଘରୋଇ ସିଜିନ୍ ଅକ୍ଟୋବର ୨ରେ ୱେଷ୍ଟଇଣ୍ଡିଜ୍ ବିପକ୍ଷରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ସହିତ ଆରମ୍ଭ ହେବ। ଏହା ପରେ ସେମାନେ ନଭେମ୍ବର-ଡିସେମ୍ବରରେ ଦକ୍ଷିଣ ଆଫ୍ରିକା ବିପକ୍ଷରେ ଦୁଇଟି ଟେଷ୍ଟ, ତିନୋଟି ଦିନିକିଆ ଏବଂ ପାଞ୍ଚଟି ଟି-୨୦ ମ୍ୟାଚ୍ ଖେଳିବେ।