ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

6/05/2025 at 9:55 AM

ନୂଆଦିଲ୍ଲୀ: ଆର୍ଥିକ ସମସ୍ୟାରେ ପଡ଼ିଥିବା ପାକିସ୍ତାନକୁ ଭାରତ ଆଉ ଏକ ବଡ଼ ଝଟକା ଦେଇଛି। ଭାରତ ପାକିସ୍ତାନୀ ସାମଗ୍ରୀ ଆମଦାନୀ ଉପରେ ରୋକ ଲଗାଇଛି। କାରଣ କାର୍ଯ୍ୟନୁଷ୍ଠାନ ସ୍ବରୂପ ପାକିସ୍ତାନରୁ ଏହାର ସାମଗ୍ରୀକୁ କୌଣସି ତୃତୀୟ ଦେଶ ଦେଇ ଭାରତୀୟ ବଜାରରେ ପହଞ୍ଚିବାକୁ ଦିଆଯିବା ଉଚିତ୍ ନୁହେଁ।

ମେ ୨ ତାରିଖରେ ଭାରତ ପାକିସ୍ତାନରୁ ପ୍ରତ୍ୟକ୍ଷ ଏବଂ ପରୋକ୍ଷ ଭାବରେ ଆମଦାନୀ ହେଉଥିବା ସାମଗ୍ରୀ ଉପରେ ରୋକ୍ ପାଇଁ ଏକ ନିର୍ଦ୍ଦେଶ ଜାରି କରିଥିଲା। ଏହି ଘଟଣା ସହିତ ଜଡିତ ଲୋକମାନେ କହିଛନ୍ତି ଯେ ସଂଯୁକ୍ତ ଆରବ ଏମିରେଟ୍ସ, ସିଙ୍ଗାପୁର, ଇଣ୍ଡୋନେସିଆ କିମ୍ବା ଶ୍ରୀଲଙ୍କା ଭଳି ଦେଶ ଦେଇ ଭାରତକୁ ପାକିସ୍ତାନୀ ସାମଗ୍ରୀ ପରିବହନ ହେଉଛି। ଯାହାକୁ ନେଇ ଭାରତୀୟ ଅଧିକାରୀମାନେ ଉଚ୍ଚ ସତର୍କତା ଅବଲମ୍ବନ କରୁଛନ୍ତି।

ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଭାରତୀୟ ବଜାରରେ ପ୍ରବେଶ କରିବା ପାଇଁ ଅନ୍ୟୂନ ୫୦୦ ନିୟୁତ ଡଲାର ମୂଲ୍ୟର ସାମଗ୍ରୀକୁ ତୃତୀୟ ଦେଶରେ ପୁନଃପ୍ୟାକେଜିଂ ଏବଂ ଲେବଲିଂ କରାଯାଉଛି। ଏଥିରେ ଫଳ, ଶୁଖିଲା ଫଳ, କପଡ଼ା, ସୋଡ଼ା ଆସ୍, ଲୁଣ ଏବଂ ଚମଡ଼ା ଅନ୍ତର୍ଭୁକ୍ତ। ଜଣେ ବ୍ୟକ୍ତି କହିଛନ୍ତି, ‘ଏହା ପାକିସ୍ତାନର ରପ୍ତାନିକୁ କ୍ଷତି ପହଞ୍ଚାଇବା ପାଇଁ ଉଦ୍ଦିଷ୍ଟ, କାରଣ ପାକିସ୍ତାନର ଅର୍ଥନୀତି ପୂର୍ବରୁ ଦୁର୍ବଳ ରହିଛି।

ତେବେ ଗତ ଶୁକ୍ରବାର ଦିନ ବୈଦେଶିକ ବାଣିଜ୍ୟ ମହାନିର୍ଦ୍ଦେଶାଳୟ ଦ୍ୱାରା ଏକ ନିର୍ଦ୍ଦେଶ ଜାରି କରାଯାଇଥିଲା, ଯେଉଁଥିରେ ସିଧାସଳଖ କିମ୍ବା ତୃତୀୟ ଦେଶ ମାଧ୍ୟମରେ ସମସ୍ତ ପାକିସ୍ତାନୀ ଆମଦାନୀ ଉପରେ ରୋକ ଲଗାଯାଇଥିଲା। ଏହା ସହିତ ସମସ୍ତ ସରକାରୀ ସଂସ୍ଥାଗୁଡ଼ିକୁ ସଜାଗ ରହିବାକୁ କୁହାଯାଇଛି। ଆଦେଶରେ କୁହାଯାଇଛି, ‘ଜାତୀୟ ସ୍ୱାର୍ଥକୁ ଦୃଷ୍ଟିରେ ରଖି ଏହି ପ୍ରତିବନ୍ଧକ ଲଗାଯାଇଛି।’ ଏହି ପ୍ରତିବନ୍ଧକର ଯେକୌଣସି ବ୍ୟତିକ୍ରମ ପାଇଁ ଭାରତ ସରକାରଙ୍କ ଅନୁମୋଦନ ଆବଶ୍ୟକ ହେବ।