ହଲ୍ ଅଫ୍ ଫେମ୍ରେ ସାମିଲ ହେଲେ ମହେନ୍ଦ୍ର ସିଂହ ଧୋନି
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ଅନ୍ତର୍ଜାତୀୟ କ୍ରିକେଟ ପରିଷଦ (ICC) ଦ୍ୱାରା ହଲ୍ ଅଫ୍ ଫେମ୍ରେ ସାମିଲ କରାଯାଇଛି। ସୋମବାର ICC ଏହା ଘୋଷଣା କରିଛି। ଧୋନି ଏହି ସମ୍ମାନ ପାଇବାରେ ୧୧ତମ ଭାରତୀୟ ଖେଳାଳି ହୋଇଛନ୍ତି।
ଧୋନିଙ୍କ କ୍ୟାରିୟର ବିଷୟରେ ICC କହିଛି ଯେ “୧୭,୨୬୬ ଅନ୍ତର୍ଜାତୀୟ ରନ, ୮୨୯ ୱିକେଟ୍ ଏବଂ ୫୩୮ ମ୍ୟାଚ୍… ଏହି ସଂଖ୍ୟା କେବଳ ତାଙ୍କର ପ୍ରତିଭା ନୁହେଁ ବରଂ ତାଙ୍କର ସ୍ଥିରତା, ଫିଟନେସ୍ ଏବଂ ଦୀର୍ଘ କ୍ୟାରିୟରର ପ୍ରମାଣ।”ସେହି ସମୟରେ ଧୋନି ଏହି ସମ୍ମାନ ଉପରେ ପ୍ରତିକ୍ରିୟା ଦେଇ କହିଛନ୍ତି, ICC ହଲ୍ ଅଫ୍ ଫେମ୍ରେ ସ୍ଥାନ ପାଇବା ଏକ ମହାନ ସମ୍ମାନ। ସାରା ବିଶ୍ୱର କିମ୍ବଦନ୍ତୀ ଖେଳାଳିଙ୍କ ତାଲିକାରେ ମୋର ନାମ ଦେଖିବା ମୋ ପାଇଁ ଗର୍ବର ବିଷୟ। ମୁଁ ଏହି ମୁହୂର୍ତ୍ତକୁ ସର୍ବଦା ପାଳନ କରିବି।
ତେବେ ICC ଦ୍ୱାରା ହଲ୍ ଅଫ୍ ଫେମ୍ ୨୦୨୫ ତାଲିକାରେ ମୋଟ ୭ ଜଣ ଖେଳାଳିଙ୍କୁ ସାମିଲ କରାଯାଇଛି। ଏଥିରେ ୫ ଜଣ ପୁରୁଷ ଏବଂ ୨ ଜଣ ମହିଳା ଖେଳାଳି ସାମିଲ ଅଛନ୍ତି। ପୁରୁଷ ଖେଳାଳିଙ୍କ ମଧ୍ୟରେ ଦକ୍ଷିଣ ଆଫ୍ରିକାର ହାସିମ ଆମଲା, ଭାରତର ମହେନ୍ଦ୍ର ସିଂହ ଧୋନି, ଅଷ୍ଟ୍ରେଲିଆର ମାଥ୍ୟୁ ହେଡେନ, ଦକ୍ଷିଣ ଆଫ୍ରିକାର ଗ୍ରେମ ସ୍ମିଥ ଏବଂ ନ୍ୟୁଜିଲାଣ୍ଡର ଡାନିଏଲ ଭିଟୋରି ଅଛନ୍ତି।
