ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ13/06/2025 at 5:37 AM
ଅହମଦାବାଦରେ, ଏୟାର ଇଣ୍ଡିଆର ବିମାନ ଟେକ୍ ଅଫ୍ କରିବା ସମୟରେ କ୍ରାସ୍ ହୋଇଛି । ଯାହାକୁ ଏକ ବଡ଼ଧରଣର ବିମାନ ଦୁର୍ଘଟଣା କୁହାଯାଉଛି । କିନ୍ତୁ ଉଡ଼ାଣ ଭରିବା ସମୟରେ ବିମାନଗୁଡ଼ିକ କାହିଁକି ଦୁର୍ଘଟଣାଗ୍ରସ୍ତ ହୁଏ? ପ୍ରକୃତରେ, ଉଡ଼ାଣ ସମୟକୁ ବିମାନ ଚଳାଚଳରେ ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।
ସୂଚନା ଅନୁସାରେ, ବିଶ୍ୱରେ ଘଟିଥିବା ମୋଟ ବିମାନ ଦୁର୍ଘଟଣାର ପ୍ରାୟ ୩୫% ଦୁର୍ଘଟଣା ଉଡ଼ାଣ ଭରିବା ସମୟରେ କିମ୍ବା ତା’ପରେ ଘଟିଛି।
-ଉଡ଼ାଣ ସମୟରେ ବିମାନଟି ଭୂମିରୁ ଦ୍ରୁତ ଗତିରେ ଉଡାଣ ଆରମ୍ଭ କରେ। ପାଇଲଟଙ୍କୁ ସୀମିତ ସମୟ ମଧ୍ୟରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ପଡ଼ିଥାଏ। ଇଞ୍ଜିନ, ରନୱେ, ପାଗ ଏବଂ ବିମାନର ସିଷ୍ଟମ ଉପରେ ସର୍ବାଧିକ ଚାପ ରହିଥାଏ। ଯେକୌଣସି ଛୋଟ ଭୁଲ କିମ୍ବା ତ୍ରୁଟି ଏକ ବଡ଼ ଦୁର୍ଘଟଣାରେ ପରିଣତ ହୋଇପାରେ।
-ଇଞ୍ଜିନରେ ବିମାନରସର୍ବାଧିକ କ୍ଷମତାରେ ଥାଏ। ଏହି ସମୟରେ, ଇଞ୍ଜିନରେ କୌଣସି ଯାନ୍ତ୍ରିକ ତ୍ରୁଟି ଥିଲେ ଏହା ଦୁର୍ଘଟଣାର କାରଣ ସାଜେ। ସେହିପରି ପାଇଲଟ୍ ତ୍ରୁଟି ବିମାନ ଦୁର୍ଘଟଣାର ଏକ ପ୍ରମୁଖ କାରଣ। ବିଶେଷକରି ଯେତେବେଳେ ପାଇଲଟ୍ ଉଡ଼ାଣ ସମୟରେ ଗତି, ରନୱେ ଲିଫ୍ଟ ଅଫ୍ ପଏଣ୍ଟ କିମ୍ବା ପିଚ୍ ଆଙ୍ଗଲ୍ ଭୁଲ ଆକଳନ କରନ୍ତି ଏବଂ ଯଦି ଜରୁରୀକାଳୀନ ପରିସ୍ଥିତିରେ ସଠିକ୍ ନିଷ୍ପତ୍ତି ନେଇ ପାରନ୍ତି ନାହିଁ, ତେବେ ଏହା ଦୁର୍ଘଟଣାର କାରଣ ହୋଇପାରେ। ଅନ୍ତର୍ଜାତୀୟ ବିମାନ ଚଳାଚଳ ରିପୋର୍ଟ ଅନୁଯାୟୀ, ଉଡ଼ାଣ ଏବଂ ଅବତରଣ ସମୟରେ ଘଟୁଥିବା ଅଧିକାଂଶ ଦୁର୍ଘଟଣାରେ ମାନବ ତ୍ରୁଟି ଥାଏ ।
-ଅନେକ ସମୟରେ ଉଡ଼ାଣ ସମୟରେ ବିମାନର ଲ୍ୟାଣ୍ଡିଂ ଗିଅର, ହାଇଡ୍ରୋଲିକ୍ସ, ଅଟୋଥ୍ରଟଲ୍ ସିଷ୍ଟମ୍ କିମ୍ବା ଏୟାରସ୍ପିଡ୍ ସୂଚକରେ ତ୍ରୁଟି ଦେଖାଦିଏ। ଉଡ଼ାଣ ଆରମ୍ଭ ସମୟରେ ପାଇଲଟ୍ ସମସ୍ତ ଦିଗକୁ ନଜରରେ ରଖି ଏବଂ ସଚେତନତାର ସହ ଉଡାଣ ଆରମ୍ଭ କରିବା ଦରକାର କାରଣ, ଏପରି ପରିସ୍ଥିତିରେ ଯେକୌଣସି ତ୍ରୁଟି ତୁରନ୍ତ ବିପଦଜନକ ପ୍ରମାଣିତ ହୋଇପାରେ।
– ଉଡ଼ାଣ ସମୟରେ ପ୍ରବଳ ପବନ, ବଜ୍ରପାତ, କମ୍ ଦୃଶ୍ୟମାନତା କିମ୍ବା ମାଇକ୍ରୋବର୍ଷ୍ଟ ବିମାନ ଦୁର୍ଘଟଣାର ଏକ ପ୍ରମୁଖ କାରଣ ହୋଇଥାଏ । ଉଡ଼ାଣ ସମୟରେ ମାଇକ୍ରୋବର୍ଷ୍ଟ ହଠାତ୍ ବିମାନକୁ ତଳକୁ ଠେଲି ଦେଇପାରେ।