ଏକତା ଓ ସଂହତି ବଜାୟ ରଖି ଆତ୍ମ ବିଶ୍ୱାସୀ ହୁଅ,ସମ୍ବଲପୁର ପବ୍ଲିକ ଲାଇବ୍ରେରୀରେ ଯୁବପ୍ରସ୍ତୁତି ପ୍ରଶିକ୍ଷଣରେ ବିଶେଷଜ୍ଞଙ୍କ ପରାମର୍ଶ
ସମ୍ବଲପୁର:ଆଜି ପୂର୍ବାହ୍ନରେ ସମ୍ବଲପୁର ପବ୍ଲିକ ଲାଇବ୍ରେରୀ ର ନିଜସ୍ୱ ପ୍ରେକ୍ଷାଳୟ ରେ ୨୦୨୫ ବର୍ଷ ପାଇଁ ରାଷ୍ଟ୍ର ନିର୍ମାର୍ଣ ରେ ଯୁବ ପ୍ରସ୍ତୁତି ପ୍ରଶିକ୍ଷଣ ଶିବିର ର ସପ୍ତମ ସପ୍ତାହ ର ଶିକ୍ଷାଦାନ ସମାପନ ହୋଇଯାଇଛି।ପୂଜାର୍ଚ୍ଚନା ଓ ପ୍ରାର୍ଥନା ପରେ ।ଔପଚାରିକ ଭାବେ ଆଜିର ପ୍ରଥମ ଅଧିବେଶନ ନୈତିକ ଶିକ୍ଷା ଆଧାରରେ ପ୍ରଶିକ୍ଷଣ ର ପ୍ରସଙ୍ଗ ” ଏକତା ଓ ସଂହତି ଉପରେ ଆଲୋଚନା କରି ପ୍ରଫେସର କାଳିଦାସ ମିଶ୍ର ବିଭିନ୍ନ ଉଦାହରଣ ସହ ପ୍ରଥମେ ଆମ ନିଜେ ନିଜକୁ ଜାଣିବା ଓ ପରିବାରରୁ ହିଁ ଏକତା ଓ ସଂହତି ଶିଖି ଦେଶ କୁ ଭଲପାଇବାକୁ ପିଲାଙ୍କୁ ପରାମର୍ଶ ଦେଇଥିଲେ
ଦ୍ଵିତୀୟ ଅଧିବେଶନ କୌଶଳ ଶିକ୍ଷା ଆତ୍ମବିଶ୍ବାସ ପ୍ରସଙ୍ଗ ଉପରେ ଆଲୋଚନା ଆରମ୍ଭ କରି ବରଗଡ଼ ଡାଏଟ ର ପ୍ରାକ୍ତନ ଅଧ୍ୟକ୍ଷ ଶ୍ରୀ ଅକ୍ଷୟ କୁମାର ବାରିକ ନିଜ ଉପରେ ଆତ୍ମବିଶ୍ବାସ ସୃଷ୍ଟି କରି ଘରେ ଓ ସାଂଗମେଳ ରେ ପ୍ରଥମେ ନିଜ କାମ କୁ ସ୍ଵାଧୀନ ଭାବେ ନିଜେ କରି ନିଜର ସାମର୍ଥ୍ୟ ପରଖି ଆତ୍ମବିଶ୍ବାସ ସୃଷ୍ଟି କରିବାକୁ ଆହ୍ୱାନ ଦେଇଥିଲେ। ପ୍ରାରମ୍ଭ ରୁ ଡ଼. ଜୟଦେବ ମେହେର ପିଲାଙ୍କୁ ଯୋଗ ଶିକ୍ଷା ପ୍ରଦାନ କରିଥିଲେ। କାର୍ୟ୍ୟକ୍ରମ ର ସଂଯୋଜକ ଶ୍ରୀ ରାଜେନ୍ଦ୍ର ପଣ୍ଡା କର୍ୟ୍ୟକ୍ରମ କୁ ପରିଚାଳନା କରିବା ସହିତ ପିଲାଙ୍କୁ ଅଧିକ ଶୁଙ୍ଖଳିତ ଓ ସମୟାନୁବର୍ତୀ ହେବାକୁ ଉପଦେଶ ଦେଇ ଏ ପର୍ଯ୍ୟନ୍ତ ଶତପ୍ରତିଶତ ଉପସ୍ଥାନ ଥିବା ପିଲାଙ୍କୁ ପ୍ରୋତ୍ସାହିତ କରିଥିଲେ।ପ୍ରଶିକ୍ଷାର୍ଥୀ ମାନଙ୍କ ମଧ୍ୟରୁ ଅବିନାଶ,ସିଦ୍ଧାନ୍ତ,ରୁଦ୍ରଅଂଶୁ, , ଗୌରବ ,ସୋନାଲି ଓ ବିଦୁଶୀ, ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ। ପ୍ରଫେସର ଆଦିତ୍ୟ ପ୍ରସାଦ ପାଢ଼ୀ, ଶ୍ରୀ ରଘୁନାଥ ମିଶ୍ର,ପ୍ରୋ ସେବକ ତ୍ରିପାଠୀ, ଅର୍ଜୁନ ପଣ୍ଡା ଓ ପୃଥ୍ୱୀରାଜ ମିଶ୍ର,ପ୍ର. ସଚିନ୍ଦ୍ର କୁମାର ମିଶ୍ର ପ୍ରମୁଖ ଉପସ୍ଥିତ ଥିବାବେଳେ ଶ୍ରୀ ବିଜୟ କୁମାର ସାହୁ ବୈଷୟିକ ସହାୟତା ପ୍ରଦାନ କରିଥିଲେ।ଆଜିର କାର୍ଯ୍ୟକ୍ରମ ରେ ୧୭ ଟି ବିଦ୍ୟାଳୟ ରୁ ୫୬ଜଣ ଛାତ୍ରଛାତ୍ରୀ ଉପସ୍ଥିତ ଥିଲେ।
