ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

28/07/2025 at 8:53 AM

ଲକ୍ଷ୍ନୌ: ସୋମବାର ଭୋର ୩ଟା ସମୟରେ ବିଦ୍ୟୁତ୍ କରେଣ୍ଟ ଯୋଗୁଁ ଆସସନେଶ୍ୱର ମନ୍ଦିରରେ ଦଳାଚକଟା ହୋଇଛି। ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୩୭ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି।

ହାଇଦରଗଡ଼ରେ ଥିବା ଆସସନେଶ୍ୱର ମନ୍ଦିରରେ ରାତି ୧୨ଟାରୁ ଭକ୍ତମାନେ ଜଲାଭିଷେକ ପାଇଁ ଧାଡ଼ିରେ ଠିଆ ହୋଇଥିଲେ। ଭକ୍ତମାନଙ୍କୁ ଖରାରୁ ରକ୍ଷା କରିବା ପାଇଁ ତିଆରି ହୋଇଥିବା ଟିଣ ସେଡ୍ ଉପରେ ଏକ ବିଦ୍ୟୁତ୍ ତାର ଛିଣ୍ଡି ପଡ଼ିଥିଲା, ଯାହା ଫଳରେ କରେଣ୍ଟ ବ୍ୟାପି ଯାଇଥିଲା ଏବଂ ଦଳାଚକଟା ହୋଇଥିଲା। ଲୋକମାନେ ପରସ୍ପରକୁ ଠେଲାପେଲି କରି ଦୌଡ଼ିବାକୁ ଲାଗିଥିଲେ। ଅନେକ ଲୋକ ଦୁର୍ଘଟଣାରେ ପଡ଼ି ପୋତି ହୋଇଯାଇଥିଲେ।

ଘଟଣା ସମ୍ପର୍କରେ ସୂଚନା ପାଇ ଜିଲ୍ଲା ମାଜିଷ୍ଟ୍ରେଟ୍ ଶଶାଙ୍କ ତ୍ରିପାଠି ଏବଂ ପୋଲିସ ଅଧୀକ୍ଷକ ଅର୍ପିତ ବିଜୟବର୍ଗୀୟ ଘଟଣାସ୍ଥଳ ପରିଦର୍ଶନ କରି ଆହତମାନଙ୍କର ଉପଯୁକ୍ତ ଚିକିତ୍ସା ପାଇଁ ନିର୍ଦ୍ଦେଶ ଦେଇଥିଲେ। କୁହାଯାଉଛି ଯେ ଆସସନେଶ୍ୱର ମନ୍ଦିର ପାଖରେ ବହୁ ସଂଖ୍ୟକ ମାଙ୍କଡ ବାସ କରନ୍ତି। ଏହି ମାଙ୍କଡମାନଙ୍କ ଦୌଡ଼ିବା ଯୋଗୁଁ ତାର ଛିଣ୍ଡି ଟିଣ ସେଡ୍ ଉପରେ ପଡ଼ିଥିଲା।