ରୁଷରେ ଶକ୍ତିଶାଳୀ ଭୂମିକମ୍ପ ପରେ ସୁନାମି…

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ମସ୍କୋ: ରୁଷିଆର ପୂର୍ବ ଉପଦ୍ୱୀପ କାମଚଟକାରେ ବିଶ୍ୱର ଷଷ୍ଠ ବୃହତ୍ତମ ଭୂମିକମ୍ପ ହୋଇଛି। ଆମେରିକୀୟ ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଭୂମିକମ୍ପର ତୀବ୍ରତା ୮.୮ ଥିଲା। ଭାରତୀୟ ସମୟ ଅନୁସାରେ ବୁଧବାର ସକାଳ ୪:୫୪ ରେ ଏହା ଘଟିଥିଲା।

କାମଚଟକାରେ ୪ ମିଟର ଉଚ୍ଚତା ପର୍ଯ୍ୟନ୍ତ ସୁନାମି ଆସିଛି। ଏହା ଯୋଗୁଁ ଅନେକ କୋଠା କ୍ଷତିଗ୍ରସ୍ତ ହୋଇଛି। USGS କହିଛି ଯେ ଭୂମିକମ୍ପର କେନ୍ଦ୍ରସ୍ଥଳ ଭୂମିଠାରୁ ୧୯.୩ କିଲୋମିଟର ଗଭୀରତାରେ ଥିଲା।

କାମଚଟକା ରାଜ୍ୟପାଳ ଭ୍ଲାଦିମିର ସୋଲୋଡୋଭ ଏକ ଭିଡିଓ ପୋଷ୍ଟ କରି କହିଛନ୍ତି ଯେ ଆଜିର ଭୂମିକମ୍ପ ଦଶନ୍ଧି ମଧ୍ୟରେ ସବୁଠାରୁ ଶକ୍ତିଶାଳୀ ଥିଲା। ସେ କହିଛନ୍ତି ଯେ ଏକ କିଣ୍ଡରଗାର୍ଡେନ୍ ସ୍କୁଲ କ୍ଷତିଗ୍ରସ୍ତ ହୋଇଛି।

ସେହିପରି ଜାପାନର NHK ଟେଲିଭିଜନ ଅନୁଯାୟୀ, ଦେଶର ପୂର୍ବ ଉପକୂଳ ନିକଟରେ ଏକ ଫୁଟ ଉଚ୍ଚ ସୁନାମି ତରଙ୍ଗ ପହଞ୍ଚିଛି। ଫଳରେ ଜାପାନର ୨୦ ଲକ୍ଷ ଲୋକଙ୍କୁ ସ୍ଥାନାନ୍ତର କରି ସୁରକ୍ଷିତ ସ୍ଥାନକୁ ନିଆଯାଇଛି। ଏହା ବ୍ୟତୀତ ଏହାର ଫୁକୁସିମା ପରମାଣୁ ରିଆକ୍ଟରକୁ ମଧ୍ୟ ସ୍ଥାନାନ୍ତର କରାଯାଇଛି।