ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ8/08/2025 at 8:23 PM
ନୂଆଦିଲ୍ଲୀ: ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି ଦୀର୍ଘ ସମୟ ପରେ ବ୍ୟାଟିଂ ଅଭ୍ୟାସ ଆରମ୍ଭ କରିଛନ୍ତି। ଶୁକ୍ରବାର ପ୍ରଶିକ୍ଷଣ ଅଧିବେଶନ ସମୟରେ ଭାରତର ଷ୍ଟାର ବ୍ୟାଟସମ୍ୟାନ୍ ବିରାଟ କୋହଲିଙ୍କ ଏକ ଫଟୋ ସାମ୍ନାକୁ ଆସିଛି, ଯେଉଁଥିରେ ସେ ଗୁଜରାଟ ଟାଇଟାନ୍ସର ସହାୟକ ପ୍ରଶିକ୍ଷକ ନଇମ ଅମିନଙ୍କ ସହିତ ଦେଖାଯାଇଛନ୍ତି। କୋହଲି ଇନଡୋର ନେଟରେ ଅଭ୍ୟାସ କରିଛନ୍ତି।
ଭାରତର ଷ୍ଟାର ବ୍ୟାଟସମ୍ୟାନ୍ ବିରାଟ କୋହଲି ଅକ୍ଟୋବରରେ ଅଷ୍ଟ୍ରେଲିଆ ବିପକ୍ଷରେ ଦିନିକିଆ ସିରିଜରେ ଖେଳିବାର ଦେଖାଯିବେ। ବିରାଟ କୋହଲି ପ୍ରଶିକ୍ଷଣ ଅଧିବେଶନ ସମୟରେ ଏକ ଫଟୋ ସେୟାର କରି ଲେଖିଛନ୍ତି, “ମୋତେ ହିଟ୍ କରିବାରେ ସାହାଯ୍ୟ କରିବା ପାଇଁ ଭାଇଙ୍କୁ ଧନ୍ୟବାଦ। ଶୁକ୍ରବାର ବିରାଟ କୋହଲିଙ୍କ ଏକ ଫଟୋ ସାମ୍ନାକୁ ଆସିଛି, ଯେଉଁଥିରେ ସେ ଧଳା ଦାଢ଼ି ସହିତ ଦେଖାଯାଉଛନ୍ତି।
ବିରାଟ କୋହଲି ଅକ୍ଟୋବର ୧୯ରୁ ଆରମ୍ଭ ହେଉଥିବା ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଭାରତୀୟ ଦଳର ଅଂଶ ହୋଇପାରନ୍ତି। କୋହଲି ପୂର୍ବରୁ ଅଗଷ୍ଟରେ ବାଂଲାଦେଶ ବିପକ୍ଷରେ ଦିନିକିଆ ସିରିଜ ମାଧ୍ୟମରେ ପ୍ରତ୍ୟାବର୍ତ୍ତନ କରିଥାନ୍ତେ କିନ୍ତୁ ସେହି ସିରିଜ ସ୍ଥଗିତ ରହିିଛି।