ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ13/08/2025 at 9:03 AM
ନୂଆଦିଲ୍ଲୀ: ବେଟିଂ ଆପ୍ ମାମଲାରେ ପୂର୍ବତନ ଟିମ୍ ଇଣ୍ଡିଆ କ୍ରିକେଟର ସୁରେଶ ରାଇନାଙ୍କ ସମସ୍ୟା ବୃଦ୍ଧି ପାଇଛି। 1xBet ମାମଲାରେ ପଚରାଉଚରା ପାଇଁ ସୁରେଶ ରାଇନାଙ୍କୁ ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସମ୍ମୁଖରେ ହାଜର ହେବାକୁ ପଡିବ। ସୁରେଶ ରାଇନା ତାଙ୍କ ବୟାନ ରେକର୍ଡ କରିବା ପାଇଁ ଏଜେନ୍ସି ସମ୍ମୁଖରେ ହାଜର ହେବେ ବୋଲି ଆଶା କରାଯାଉଛି।
ଯାହା କ୍ରିକେଟ ଜଗତରେ ହଇଚଇ ସୃଷ୍ଟି କରିଛି। କାରଣ ଅନେକ କ୍ରିକେଟର ଏପରି ଆପ୍ ପ୍ରମୋଟ କରନ୍ତି। ସୁରେଶ ରାଇନାଙ୍କୁ ଏହି ନୋଟିସ୍ ବେଆଇନ ବେଟିଂ ଆପ୍ ଏବଂ ପ୍ଲାଟଫର୍ମ ଉପରେ ଏକ ବ୍ୟାପକ କାର୍ଯ୍ୟାନୁଷ୍ଠାନର ଅଂଶ ଭାବରେ ଆସିଛି, ଯାହା ଅନେକ ସେଲିବ୍ରିଟିଙ୍କ ଦ୍ୱାରା ପ୍ରମୋଟ କରାଯାଇଛି।
ଚଳିତ ବର୍ଷ ମେ ମାସରେ ତେଲେଙ୍ଗାନା ପୋଲିସ ବେଟିଂ ଆପ୍ ପ୍ରମୋଟ କରିବା ପାଇଁ ରାଣା ଦଗ୍ଗୁବତି ଏବଂ ପ୍ରକାଶ ରାଜଙ୍କ ସମେତ ୨୫ ଜଣ ବଡ଼ ତାରକାଙ୍କ ବିରୁଦ୍ଧରେ ମାମଲା ରୁଜୁ କରିଛି। ଉଭୟ ଅଭିନେତା ସେମାନଙ୍କର ବୟାନ ରେକର୍ଡ କରି କହିଛନ୍ତି ଯେ ସେମାନେ କୌଣସି ଭୁଲ କାମ କରିନାହାଁନ୍ତି ଏବଂ ସେମାନେ ଆଉ ଏପରି ପ୍ଲାଟଫର୍ମ ପ୍ରମୋଟ କରନ୍ତି ନାହିଁ। ସେମାନେ କହିଛନ୍ତି ଯେ ଯେତେବେଳେ ସେମାନେ ଏହି ଆପ୍ ପ୍ରମୋଟ କରୁଥିଲେ, ସେମାନଙ୍କର ଅଭିଯାନ କେବଳ ସେହି କ୍ଷେତ୍ରଗୁଡ଼ିକରେ ସୀମିତ ଥିଲା ଯେଉଁଠାରେ ଅନଲାଇନ୍ ଦକ୍ଷତା-ଆଧାରିତ ଖେଳକୁ ଆଇନଗତ ଭାବରେ ଅନୁମତି ଦିଆଯାଇଛି।