୭୯ ତମ ସ୍ଵାଧୀନତା ଦିବସ ଉପଲକ୍ଷେ ଉତ୍ସର୍ଗ ପକ୍ଷରୁ ମେଗା ରକ୍ତ ଦାନ ଶିବିର
ସମ୍ବଲପୁର: ପବିତ୍ର ସ୍ଵାଧୀନତା ଦିବସ ଅବସରରେ ସମଗ୍ର ରାଷ୍ଟ୍ରରେ ବିଭିନ୍ନ କାର୍ଯ୍ୟକ୍ରମ ଅୟୋଜିତ ହେଉଥିଲାବେଳେ ସ୍ଵେଚ୍ଛାସେବୀ ରକ୍ତଦାନ ସଂସ୍ଥା ଉତ୍ସର୍ଗ ତରଫରୁ ଏକ ମେଗା ରକ୍ତଦାନ ଶିବିରର ଆୟୋଜନ କରାଯାଇଥିଲା l ଓଡିଶା ସାଂସ୍କୃତିକ ସମାଜ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଥିବା ଏହି ଶିବିରରେ ମୋଟ ୧୪୨ ୟୁନିଟ୍ ରକ୍ତ ସଂଗ୍ରହ ହୋଇଥିଲା।ଯେଉଁ ଥିରେ ଏକ ବିରଳ ଉଦାହରଣ ସୃଷ୍ଟି କରି ବହୁ ସଂଖ୍ୟାରେ ମହିଳାମାନେ ରକ୍ତଦାନ କରିଥିବା ଦେଖାଯାଇଥିଲା l ରକ୍ତ ଦାନ କାର୍ଯ୍ୟକ୍ରମକୁ ସଫଳ କରିବା ପାଇଁ ଭୀମସାର୍,ବୁର୍ଲା ରକ୍ତ ଭଣ୍ଡାରର ଡl. ସୁଚିତ୍ରା ସଂଗୀତା ସାହୁ, ଦେବାଶିଷ ମିଶ୍ର, ପଦ୍ମିନୀ ସତପଥୀ, ଅଗ୍ନି ମହାନନ୍ଦ, ପ୍ରହଲ୍ଲାଦ ଭୋଇ, ଜନକ ବେହେରା, ଏବଂ ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟ ର ରକ୍ତ ଭଣ୍ଡାରର ଡାକ୍ତର କଳ୍ପେଶ କକଡ, ସିଦ୍ଧାର୍ଥ ଶଙ୍କର ଦାଶ, ମାଧବ ସାହୁ, ଗୀତାଞ୍ଜଳି ହୋତା, ରାଜେନ୍ଦ୍ର ମେହେର୍, ଆଶିଷ ବିଶ୍ଵାଳ, ନିବେଦିତା ବଗର୍ତ୍ତୀ, ଅଞ୍ଜନା ସିହ୍ନା, କିଶୋର କୁମାର ପାଣି ପ୍ରମୁଖ ସହଯୋଗ କରିଥିଲେ l ଏହି କାର୍ଯ୍ୟକ୍ରମରେ ଓଡିଶା ସରକାରଙ୍କ ରାଜସ୍ଵ ଏବଂ ବିପର୍ଯ୍ୟୟ ପ୍ରଶମନ ମନ୍ତ୍ରୀ ସୁରେଶ ପୂଜାରୀ,ଜିଲ୍ଲାପାଳ ସିଦ୍ଧେଶ୍ଵର ବଳିରାମ ବୋନ୍ଦର, ଆରକ୍ଷୀ ଅଧିକ୍ଷକ ମୁକେଶ କୁମାର ଭାମୁ,ସମ୍ବଲପୁର ମହାନଗର ନିଗମର ଆୟୁକ୍ତ ରେହାନ କ୍ଷେତ୍ରୀ ,ଅତିଥି ଭାବରେ ଯୋଗ ଦେଇଥିଲେ l ରକ୍ତଦାନ କାର୍ଯ୍ୟକ୍ରମଟି ଉତ୍ସର୍ଗ ସମେତ ଅନାମିକା କ୍ଲବ, ସନଡେ ଗ୍ରୁପ, କୋଶଳ ବ୍ୟବସାୟୀ ସଂଘ, ବସୁନ୍ଧରା କମ୍ଯୁନିଟି ସେଣ୍ଟର,ଭୀମ ଭୋଇ ସାହିତ୍ୟ ସଂସଦ ର ସହଯୋଗରେ ସଫଳ ହୋଇଥିଲା l ଏହି ସଂଗୃହିତ ରକ୍ତ ଥାଲାସେମିଆ, ରକ୍ତ ଶିକୁଳି ରୋଗରେ ପୀଡିତ ତଥା ଜରୁରୀ କାଳୀନ ଆବଶ୍ୟକତା ପୂରଣ ପାଇଁ କାର୍ଯ୍ୟରେ ଆସିବ ବୋଲି ଉତ୍ସର୍ଗ ପକ୍ଷରୁ କୁହାଯାଇଛି।
