ବରଗଡ଼ ମହିଳା ସମିତିର ଅଭିନବ ଭେଟି:ଆନନ୍ଦ ସେବା ସଦନକୁ ଦେଲେ ନୂଆଖାଇ ଅଢିଆ

ରାଜାରାମ ଷଡଙ୍ଗୀ

ସମ୍ବଲପୁର:ବରଗଡ଼ ଜିଲ୍ଲା ଭେଡେନ ବ୍ଲକ ପପଙ୍ଗା ସ୍ଥିତ ବୃଦ୍ଧାଶ୍ରମ, ଗୋଶାଳା ଓ ଅନାଥାଶ୍ରମର ସମ୍ମିଳିତ ଆଶ୍ରମ ଆନନ୍ଦ ସେବାଶ୍ରମକୁ ନୂଆଁଖାଇ ଅଢିଆ ପହଞ୍ଚାଇଲା ବରଗଡ଼ ମହିଳା ସମିତି l ସେଠାରେ ଥିବା ୩୦ ଜଣ ଅନ୍ତେବାସୀ ପୁରୁଷ, ମହିଳା, ବାଳିକା ଓ ଶିଶୁଙ୍କ ପାଇଁ ଶାଢ଼ୀ,ଧୋତି, ଗାମୁଛା,ସାର୍ଟ,ସଲୱାର୍,ଶିଶୁ ଡ୍ରେସ ସାଙ୍ଗକୁ ନୂଆଖାଇ ପାଇଁ ଆବଶ୍ୟକ ସମସ୍ତ ରାସନ ସାମଗ୍ରୀ ଓ ପନିପରିବା ଭେଟି ପ୍ରଦାନ କରିଥିଲେ l ସଂଘର ସଭାନେତ୍ରୀ ଅଞ୍ଜନା ଦାସ, ସମ୍ପାଦିକା ସୁଧାଂଶୁବାଲା ଦାଶ ଓ କୋଷାଧ୍ୟକ୍ଷ ମମତା ମିଶ୍ରଙ୍କ ନେତୃତ୍ୱରେ ସମିତିର ୩୦ ଜଣ ସଦସ୍ୟା ଆନନ୍ଦ ସେବା ସଦନ ପରିଦର୍ଶନ ପୂର୍ବକ ସମସ୍ତଙ୍କୁ ନୁଆବସ୍ତ୍ର ଓ ଅଢ଼ିଆ ପ୍ରଦାନ କରିଥିଲେ l
ଏହି ପ୍ରତିନିଧି ଦଳରେ ସୁନିତା,ମନ୍ଦାକିନୀ, ସସ୍ମିତା, କନକ, ମଞ୍ଜୁ,ବାସନ୍ତୀ,ମୀନା,କବିତା,ସବିତା,ରାନି,କମଳିନୀ, ଜୟଗୀଟା,ବୀଣାପାଣି,ସୈବଳିନି,ଗୀତା,ଜୟଶ୍ରୀ ,ନିବେଦିତା,ମୀନାକ୍ଷୀ,ସଂଗୀତା,ସ୍ୱାଧିନୀ,ହାରଜିନ୍ଦର୍, ଦେବେକି, ବିନୋଦିନୀ, ମଞ୍ଜୁ ପ୍ରମୁଖ ଅଢିଆ ପ୍ରଦାନ କରିଥିଲେ। ଅଢ଼ିଆ ପାଇବା ପରେ ଅନ୍ତେବାସୀ ବେଶ ଖୁସି ବ୍ୟକ୍ତ କରିଥିଲେ l
ଆଜିପରି ଦିନରେ ପରିବାର ଠୁ ଦୂରରେ ଥିବା ତଥା ନୂଆଁଖାଇ ପରି ଏକ ଖୁସି ର ଅବସରରେ ଏକତ୍ରିତ ହୋଇ ଉତ୍ସବ ମନେଇବାକୁ ବରଗଡ଼ ମହିଳା ସମିତି ପକ୍ଷରୁ ଏଭଳି ଅଭିନବ ଭେଟି ଉଦ୍ୟମ ପାଇଁ ଅନୁଷ୍ଠାନର ମୁଖ୍ୟ ଆନନ୍ଦ ସେଠ ପକ୍ଷରୁ ଭୁୟସୀ ପ୍ରସଂଶା କରାଯାଇଥିଲା।