ସୌମିତ୍ରି ମେହେର

31/08/2025 at 10:42 AM

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା-ଟିକିରାପଡାରେ ଖୁବ୍ ଧୁମଧାମରେ ନୂଆଁଖାଇ ଭେଟଘାଟ ପାଳିତ ହୋଇଯାଇଛି । ନୂଆ ଖାଇ ଦିନର ନିର୍ଦ୍ଧାରିତ ସମୟରେ ଗ୍ରାମଦେବୀଙ୍କ ଦେମୂଲ ପୀଠରେ ପୂଜକ ଗଣେଶ ପଧାନ, ଜଗନ୍ନାଥ ମନ୍ଦିରରେ ଆନନ୍ଦ ଷଡଙ୍ଗୀ ଓ ପାହାଡ ଉପରେ ଥିବା ସିଦ୍ଧେଶ୍ଵର ବାବାଙ୍କ ମନ୍ଦିର ରେ ଘାସିରାମ ବିଶି ନବାନ୍ନ ଅର୍ପଣ କରିଥିଲେ | ପରେ ଘରେ ଘରେ ନିଜ ନିଜର ଇଷ୍ଟ ଦେବାଦେବୀଙ୍କୁ ନବାନ୍ନ ଅର୍ପଣ କରି ସପରିବାର ନୂଆଁ ଖାଇଥିଲେ। ଅପରାହ୍ଣରେ ଆବାଳବୃଦ୍ଧ ବନିତା ଘର ଘର ବୁଲି ବଡମାନଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଇଥିଲେ । ସଂନ୍ଧ୍ୟାରେ ଦଧୁବାମନ ଯୁବକ ମହାସଂଘ ଓ ଗଣେଶ ପୂଜା କମିଟି ତରଫରୁ ନୂତନ ଜଗନ୍ନାଥ ମନ୍ଦିର ପ୍ରାଙ୍ଗଣରେ ନୂଆଁ ଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ଗିରିଧାରୀ ମେହେର ଙ୍କ ସଭାପତିତ୍ବରେ ସଭାପତିତ୍ୱରେ ଆୟୋଜିତ ଏକ ସଭାରେ ବ୍ଲକ ସରପଞ୍ଚ ସଂଘର ଉପସଭାପତି ତଥା କମିରା ପଞ୍ଚାୟତର ସରପଞ୍ଚ ଅନୁସୟା ପଧାନ ମୁଖ୍ୟଅତିଥି, ସମାଜସେବୀ ସପନ ପଧାନ ମୁଖ୍ୟବକ୍ତା ଓ ଧ୍ରୁବ ମେହେର ମଞ୍ଚାସୀନ ଥାଇ ବକ୍ତବ୍ୟ ରଖିଥିଲେ । ଏଥିରେ ଗ୍ରାମର ବୟୋଜ୍ୟେଷ୍ଠ ତଥା ମୁରବିଶ୍ରେଣୀୟ ବ୍ୟକ୍ତି ରମାକାନ୍ତ ମେହେର, ଶୁକ୍ରୁ ମେହେର, ବିନାୟକ ମେହେର, ରସାନନ୍ଦ ମେହେର, ଡୋଳାମଣୀ ମେହେର ଆଦି ଙ୍କୁ ସମ୍ମାନୀତ କରାଯାଇ ଥିଲା I ସେହିପରି ଦଶମ ଶ୍ରେଣୀରେ କୁଳମଣି ମେହେର ଓ ଦ୍ଵାଦଶ ଶ୍ରେଣୀରେ କୈଳାସ ମେହେର ଗ୍ରାମର ସମସ୍ତ ଛାତ୍ରଛାତ୍ରୀଙ୍କ ଠାରୁ ସର୍ବୋଚ୍ଚ ନମ୍ବର ରଖିଥିବାରୁ ଉଭୟଙ୍କୁଏକ ହଜାର ଟଙ୍କା ଲେଖାଏଁ ଅର୍ଥରାଶି ସହ ମାନପ‌ତ୍ର ଓ ଉତ୍ତରୀୟ ଦେଇ ସମ୍ବଦ୍ଧିତ କରାଯାଇଥିଲା । ପରେ ବିଳମ୍ବିତ ରାତ୍ରି ପର୍ଯ୍ୟନ୍ତ ଗ୍ରାମର କଳାକାରମାନଙ୍କୁ ନେଇ ନୃତ୍ୟ, ଗୀତ ଓ ନାଟକର ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ସଭାକୁ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ଓ ସାଂସ୍କୃତିକ କାର୍ଯ୍ୟକ୍ରମକୁ ଈଶ୍ଵ ର ମେହେର ସଂଯୋଜନା କରିଥିଲେ l ଏଥିରେ ଆୟୋଜନ କମିଟିର ସଭାପତି ସମିତ କୁମାର ମେହେର, ଉପସଭାପତି ମନୋରଞ୍ଜନ ମେହେର, ସଂପାଦକ ପୂର୍ଣ୍ଣ ଚନ୍ଦ୍ର ମେହେର ଓ ସହସଂପାଦକ ହୃଷିକେଶ ମେହେରଙ୍କ ସମେତ ସମସ୍ତ ସଦସ୍ୟ ବିଶେଷ ସହଯୋଗ କରିଥିଲେ । ଟିକିରାପଡା ସମେତ ଆଖପାଖ ଗ୍ରାମର ଅନେକ ଦର୍ଶକ ବିଳମ୍ବିତ ରାତ୍ରି ପର୍ଯ୍ୟନ୍ତ ଏହି ସାଂସ୍କୃତିକ କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ ।