ରାଜାରାମ ଷଡଙ୍ଗୀ

31/08/2025 at 5:36 PM

ସମ୍ବଲପୁର: କୈବଲ୍ୟ ସାହିତ୍ୟ ସଂସଦ ଆନୁକୁଲ୍ୟରେ ରବିବାର ଦିନ ଓଡିଶା ସାଂସ୍କୃତିକ ସମାଜ ଠାରେ ନୂଆଁଖାଇ ଲୋକ ସଂସ୍କୃତି ମହୋତ୍ସବ ଓ ମାଆ ସମଲେଇ ସାରସ୍ଵତ ସମ୍ମାନ ସମାରୋହ ଅନୁଷ୍ଠିତ ହୋଇଯାଇଛି |

କୈବଲ୍ୟ ଅନୁଷ୍ଠାନର ସମ୍ପାଦକ ଡ଼ ସଂଗ୍ରାମ କେଶରୀ ସାମନ୍ତରାୟ ଙ୍କ ସଭାପତିତ୍ବ ଓ ଡ଼ ଅନୁପମା ବିଶ୍ୱାଳ ତଥା ମନୋଜ ପଣ୍ଡା ଙ୍କ ପରିଚାଳନା ରେ ଆୟୋଜିତ ସାରସ୍ଵତ ସଭା ରେ ଉଦଘାଟକ ଭାବେ ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ମୁଖ୍ୟ ଅତିଥି ଭାବେ ଗଙ୍ଗାଧର ମେହେର ବିଶ୍ଵବିଦ୍ୟାଳୟ ର କୁଳପତି ଡ଼ ସୁଶାନ୍ତ କୁମାର ଦାଶ, ସମ୍ମାନୀତ ଅତିଥି ଭାବରେ ଡ଼ ବିଜୟାନନ୍ଦ ବେହେରା, ପ୍ରତାପ କୁମାର ରଥ, ଡ଼ଃ.ପ୍ରଦୀପ କୁମାର ପଣ୍ଡା, ପରମେଶ୍ଵର ପଟେଲ ପ୍ରମୁଖ ଯୋଗ ଦେଇ ନୂଆଖାଇ ର ମହତ୍ତ୍ୱ, ସମଲେଇ ସଂସ୍କୃତି ର ମହିମା ଓ ସାହିତ୍ୟ ସଂସଦ ର ଭୁମିକା ସମ୍ପର୍କରେ ଆଲୋକପାତ କରିଥିଲେ । ଏହି ଅବସରରେ ବରିଷ୍ଠ ସାମ୍ବାଦିକ ରମାକାନ୍ତ ବିଶ୍ୱାଳ, ଡାକ୍ତର ରାଜାରାମ ଷଡ଼ଙ୍ଗୀ, ଶଙ୍କର ବେହେରା, ମାହେଶ୍ୱରୀ ପ୍ରସାଦ ପାଣିଗ୍ରାହୀଙ୍କ ସମେତ ବହୁ ରାଜ୍ୟ ସ୍ତରୀୟ କବି, ସାମ୍ବାଦିକ ଓ ବିଭିନ୍ନ ସାହିତ୍ୟ ସଂସଦର ସଭାପତି ସମ୍ପାଦକ ତଥା ବିଶିଷ୍ଟ ସାହିତ୍ୟିକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଝାଙ୍କର ଗୁପ୍, ଅଙ୍କନ, ପଦ୍ମପୁର ର ଲୋକ ସଂସୃତି ଅନୁଷ୍ଠାନ, ରାଧାକୃଷ୍ଣ ସଂକୀର୍ତ୍ତନ ମଣ୍ଡଳି,ଜିଗ୍ ଜାଗ୍, ଫେସ୍ ଟୁ ଫେସ୍ ଓ ବୁବୁଡ଼ା ନୃତ୍ୟ ଦଳ ଦ୍ୱାରା ନୃତ୍ୟ ପରିବେଷଣ କରାଯାଇଥିଲା । ଏହା ସହିତ କୈବଲ୍ୟ ସାହିତ୍ୟ ସଂସଦ ର ପତ୍ରିକା ଓ କେତେକ ପୁସ୍ତକ ଉନ୍ମୋଚିତ ହୋଇଥିଲା ।ଶେଷରେ ଅନୁପମା ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ।