ରାଜାରାମ ଷଡଙ୍ଗୀ

31/08/2025 at 6:26 PM

ସମ୍ବଲପୁର:ସମ୍ବଲପୁର ଜିଲ୍ଲା ପ୍ରଶାସନ ପକ୍ଷରୁ ଆଜି ଏକ ସାଇକେଲ ରାଲି ଆୟୋଜିତ କରି ଜାତୀୟ କ୍ରୀଡ଼ା ଦିବସ ପାଳନ କରିଲେ । ଏହି ରାଲିଟି ନେଲସନ୍ ମାଣ୍ଡେଲା ଛକରୁ ଆରମ୍ଭ ହୋଇ ଲକ୍ଷ୍ମୀ ଟକିଜ୍, ମୋଦିପଡ଼ା ଛକ, ବଡ଼ବଜାର ହୋଇ ମା’ ସମଲେଶ୍ୱରୀ ମନ୍ଦିର ପାର୍କିଂ ଠାରେ ସମାପ୍ତ ହୋଇଥିଲା ।

ଏହି ଅବସରରେ ଅତିରିକ୍ତ ଜିଲ୍ଲାପାଳ(ସାଧାରଣ) ଶ୍ରୀ ଅଶୋକ କୁମାର ଭୋଇ, ଜିଲ୍ଲା କ୍ରୀଡ଼ା ଅଧିକାରୀ ଶ୍ରୀ ଅମୃତ ଲାଲ ବେହେରା ଓ ଜିଲ୍ଲା ସୂଚନା ଓ ଜନସମ୍ପର୍କ ଅଧିକାରୀ ସଞ୍ଜୁକ୍ତା କୁଲ୍ଲୁ ପ୍ରମୁଖ ଉପସ୍ଥିତ ରହି ସାଇକେଲ ରାଲି କୁ ପତାକା ଦେଖାଇ ଶୁଭାରମ୍ଭ କରିଥିଲେ।

ପ୍ରାୟ ୨୦୦ ଛାତ୍ରଛାତ୍ରୀ ଏହି ରାଲିରେ ଯୋଗଦେଇଥିଲେ । କାର୍ଯ୍ୟକ୍ରମର ଲକ୍ଷ୍ୟ ଥିଲା କ୍ରୀଡ଼ାର ଗୁରୁତ୍ୱ ସମ୍ବନ୍ଧରେ ସଚେତନତା ସୃଷ୍ଟି କରିବା ସହିତ ଶାରୀରିକ ସୁସ୍ଥତା, ଶୃଙ୍ଖଳା, ଟିମ୍‌ୱର୍କ ଓ ସମାଜରେ ଶାନ୍ତି ପ୍ରଚାର କରିବା ।