ସମ୍ବଲପୁର ପୁଲିସ ଦ୍ୱାରା ସାଇବର ସଚେତନତା ଅଭିଯାନ:ରାଲିରେ ୬ ଶହ ଶିକ୍ଷାର୍ଥୀ ସାମିଲ
ସମ୍ବଲପୁର:ଧନୁପାଲି ଥାନା ଅଧିନ ଏନ.ଏସ.ସି.ବି. ମହାବିଦ୍ୟାଳୟରେ ଏକ ସଚେତନତା ରାଲି ଆୟୋଜନ କରାଯାଇଥିଲା, ଯେଉଁଥିରେ ୬୦୦ରୁ ଅଧିକ ଛାତ୍ରଛାତ୍ରୀ ଯୋଗଦେଇଥିଲେ । ମହାବିଦ୍ୟାଳୟର ଅଧ୍ୟାପକ, ଛାତ୍ର, ଏନ.ସି.ସି. ଓ ଏନ.ଏସ.ଏସ. କ୍ୟାଡେଟ ମାନଙ୍କୁ ୟୁପିଆଇ ଠକିବା, ସେକ୍ସଟର୍ସନ, ଚିହ୍ନ ପରିଚୟ ଚୋରି ଏବଂ ସୋସିଆଲ୍ ମିଡିଆ ସୁରକ୍ଷିତ ବ୍ୟବହାର ସମ୍ବନ୍ଧୀୟ ଦରକାରୀ ଟିପ୍ସ ଦିଆଯାଇଥିଲା । ଅଜଣା ଭିଡିଓ କଲ୍ ଆସିଲେ କିପରି ସାବଧାନ ରହିବା ଉଚିତ ତାହା ସମ୍ପର୍କରେ ମଧ୍ୟ ସଚେତନ କରାଯାଇଥିଲା । ସାଇବର କ୍ରାଇମ ରେ ଜଡିତ ନ ହେବା ପାଇଁ ମଧ୍ୟ କୁହା ଯାଇଥିଲା ।
ଅଭିଯାନର ମୁଖ୍ୟ ବାର୍ତ୍ତା ଥିଲା — “କ୍ଲିକ୍ କରିବା ପୂର୍ବରୁ ଭାବନ୍ତୁ”, ଯାହା ସାଇବର ସୁରକ୍ଷା ଓ ସଚେତନତାକୁ ପ୍ରୋତ୍ସାହନ ଦେଇଥିଲା ।
ଏହି ସଚେତନତା କାର୍ଯ୍ୟକ୍ରମରେ ପୋଲିସ୍ ବିଭାଗ ତରଫରୁ ଅତିରିକ୍ତ ଆରକ୍ଷୀ ଅଧିକ୍ଷକ, ଉପ ଆରକ୍ଷୀ ଅଧିକ୍ଷକ, ଆରକ୍ଷୀ ନିରୀକ୍ଷକ ପ୍ରମୁଖ ଯୋଗଦେଇଥିଲେ।
