ପିତବାସ ପଣ୍ଡା ହତ୍ୟାକାଣ୍ଡ ଘଟଣାର କ୍ରାଇମ୍ ସିନ୍ ରିକ୍ରିଏସନ୍
ଭୁବନେଶ୍ବର: ବହୁଚର୍ଚ୍ଚିତ ବିଜେପି ନେତା ତଥା ଆଇନଜୀବି ପିତବାସ ପଣ୍ଡା ହତ୍ୟାକାଣ୍ଡ ଘଟଣାରେ କ୍ରାଇମ୍ ସିନ୍ ରିକ୍ରିଏସନ୍ କରାଯାଉଛି। ବ୍ରହ୍ମପୁର ସହରର ବୈକୁଣ୍ଠଡ଼ଗର ଅଞ୍ଚଳରେ ପୁଲିସ୍ ସାର୍ପ ସୁଟର କୁରୁପତି ଓ ବାଇକ୍ ଚାଳକ ଚିଣ୍ଟୁକୁ ନେଇ ସିନ୍ ରିକ୍ରିଏସନ୍ କରାଇଛି । କେମିତି ଆସି ପଏଣ୍ଟ ବ୍ଳାଙ୍କରୁ ଗୁଳିକରି ଖସିଗଲେ ତାହାର ଡେମୋ ଦେଖାଇଛନ୍ତି ।
ଘଟଣା ଦିନ କଣ ହୋଇଥିଲା ଗୋଟି ଗୋଟି କରି ଆକ୍ସନ କରି ଦେଖାଇଛନ୍ତି ଉଭୟ। କଡ଼ା ସୁରକ୍ଷା ବଳୟରେ ଉଭୟଙ୍କୁ ନେଇ କ୍ରାଇମସିନ୍ ରିକ୍ରିଏସନ କରିଛି ପୋଲିସ । କୁମାର ପୂର୍ଣ୍ଣିମା ରାତି ୧୦ଟାରେ ଏକ ମୋଟର ସାଇକେଲ ଯୋଗେ ଆସି ଏହି ହତ୍ୟାକାଣ୍ଡ ଘଟାଇଥିଲେ ଦୁହେଁ।
ତେବେ ପୋଲିସ ଏହି ମାମଲାରେ ସମୁଦାୟ ୧୬ ଜଣଙ୍କୁ ଗିରଫ କରିଛି। ପୋଲିସ ଚିଣ୍ଟୁ, କୁରୁପତି, ଉମା, ଯୋଗୀନ୍ଦ୍ର, ମଦନ ଓ ମଳୟଙ୍କୁ ରିମାଣ୍ଡରେ ନେଇ ପଚରାଉଚରା କରୁଛି।
