ଅନାସ୍ଥା ଭୋଟରେ ପଦ ହରାଇଲେ ବୁଢ଼ାବାହାଲ ସରପଞ୍ଚ।
ବଲାଙ୍ଗୀର : ସଇଁତଲା ବ୍ଲକ ଅନ୍ତର୍ଗତ ବୁଢ଼ାବାହାଲ ସରପଞ୍ଚ ନିଜ ପଦରୁ ବିଦାୟ ନେଇଛନ୍ତି। ଏନେଇ ଆଜି ଟିଟିଲାଗଡ଼ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଭୋଟ ଗଣତି ହେବା ପରେ ସରପଞ୍ଚଙ୍କ ବିରୁଦ୍ଧରେ ୧୩ ସଭ୍ୟସଭ୍ୟା ଭୋଟ ଦେଇଥିଲେ। ସପକ୍ଷରେ ୯ ଭୋଟ ପଡ଼ିଥିବା ବେଳେ ଗୋଟିଏ ଭୋଟ ନାକଚ ହୋଇଥିବା ଘୋଷଣା ହୋଇଥିଲା। ଏନେଇ ନାଏବ ସରପଞ୍ଚ ବିଜୟ ସେଲମା ଆଗାମୀ ନିର୍ବାଚନ ପର୍ଯ୍ୟନ୍ତ ସରପଞ୍ଚ ଦାୟିତ୍ଵରେ ରହିବା ସୁନିଶ୍ଚିତ ହୋଇଛି। ପ୍ରକାଶ ଯେ ଗତ ୩୦, ଜୁନରେ ସରପଞ୍ଚଙ୍କ ବିରୁଦ୍ଧରେ ୱାର୍ଡ଼ ସଭ୍ୟସଭ୍ୟାଙ୍କ ପକ୍ଷରୁ ଅନାସ୍ଥା ନୋଟିସ୍ ନେଇ ଭୋଟ ଗ୍ରହଣ ହୋଇଥିଲା। ଏହାର ଗଣତି ନେଇ ଉଚ୍ଚ ନ୍ୟାୟାଳୟ ସ୍ଥଗିତାଦେଶ ଜାରି କ କରିଥିଲେ। ପରବର୍ତ୍ତୀ ପର୍ଯ୍ୟାୟରେ ଉପଜିଲ୍ଲାପାଳ ଳ ସମସ୍ତ ସଭ୍ୟସଭ୍ୟାଙ୍କୁ ନୋଟିସ୍ କରି ଅକ୍ଟୋବର ୧୭ରେ ନିଜ କାର୍ଯ୍ୟାଳୟରେ ଭୋଟ୍ ବେଳେ ଅଚାନକ ସରପଞ୍ଚ ଜଣେ ଆଇନଜୀବୀଙ୍କୁ ସାଙ୍ଗରେ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋ ହୋଇଥିଲେ । ଉଚ୍ଚ ନ୍ୟାୟାଳୟ ଭୋଟ ଗଣତି ସ୍ଥଗିତ ରଖୁବା ଆଦେଶ ଦେବା ପରେ ସରପଞ୍ଚଙ୍କ ବିରୋଧୀ ପକ୍ଷ ନିରାଶ ହେ ହୋଇ ଫେରିଯାଇଥିବା ଦେଖାଯାଇଥିଲା। ଆଜି ଭୋଟ ଗଣତି ହୋଇ ସରପଞ୍ଚ ବିଦା ହେବା ନେଇ ବିରୋଧୀ ପକ୍ଷ ମଧ୍ୟରେ ଉତ୍ସାହ ପ୍ରକାଶ ପାଇବା ସହ ମିଷ୍ଟାନ୍ନ ବଣ୍ଟନ କରାଯାଇଛି। ସରପଞ୍ଚଙ୍କ ବିରୋଧୀ ପକ୍ଷରୁ ନାଏବ ସରପଞ୍ଚ ବିଜୟ ସେଲମା, ୱାର୍ଡ ସଭ୍ୟ ମୋହନ ସୁନା, ମଦନ ବାଗ, ବିଶ୍ଵମ୍ବର ମହାଡ଼ିକ, ପ୍ରକାଶ ସା ସାହୁ, ସଭ୍ୟା ସମାରୀ ଗହୀର, ତୁଳସୀ ସାହୁ, ବନିତା ଗହୀର, ମୋହିନୀ ସାହୁ, ବରିଷ୍ଠ ସମାଜ କସେବୀ ରଞ୍ଜିତ ସିଂ, ଧ୍ରୁବ ଚରଣ ସାହୁ, ବିନୋଦ ସାହୁ, ଶଙ୍କର ସାହୁ, ବନମାଳୀ ସାହୁ, ଉମାକାନ୍ତ ସେଲମା ପ୍ରମୁଖ ଉପସ୍ଥିତ ଥିଲେ। ଅନ୍ୟପକ୍ଷରେ ଆଜିର ଭୋଟ ଗଣତି ଫଳାଫଳ ଜିଲ୍ଲାପାଳଙ୍କ ନିକଟକୁ ପଠାଇଥିବା ଉପଜିଲ୍ଲାପାଳ ପଦ୍ମନାଭ ସାମନ୍ତରାୟ ସୂଚନା ଦେଇଛନ୍ତି ।
