ପ୍ରଶ୍ନ ବଦଳରେ ଉତ୍ତର ମାଗିଛନ୍ତି ଆଇନ ମନ୍ତ୍ରୀ; କାହିଁକି ପାଣ୍ଡିଆନଙ୍କ ପାଇଁ ୭୨ ପୁଲିସ ଅଧିକାରୀ ନିୟୋଜିତ ଥିଲେ
ଭୁବନେଶ୍ୱର;୨୯|୧୧: ଉତ୍ତର ମାଗିଲେ ଆଇନମନ୍ତ୍ରୀ | ବିଧାନସଭାରେ ବିଜେଡ଼ି ବିଧାୟକଙ୍କୁ କଟାକ୍ଷ କଲେ ଆଇନମନ୍ତ୍ରୀ | ସେ ପଚାରିଛନ୍ତି ଯେ , କାହିଁକି ଭିକେ ପାଣ୍ଡିଆନଙ୍କ ପାଇଁ ୭୨ ପୁଲିସ ଅଧିକାରୀ ନିୟୋଜିତ୍ ଥିଲେ ? ଗୃହ ମୁଲତବୀ ଆଲୋଚନାରେ ନାଁ ନନେଇ ବିରୋଧୀଙ୍କୁ ଆଇନ ମନ୍ତ୍ରୀଙ୍କ ନିଶାନା। ପରୋକ୍ଷରେ ପୂର୍ବତନ ୫ଟି ଅଧ୍ୟକ୍ଷ ତଥା ବିଜେଡ଼ି ନେତା ଭିକେ ପାଣ୍ଡିଆନଙ୍କୁ ନିଜ ନିଶାନାରେ ରଖିଛନ୍ତି ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ ।
ସେ କହିଛନ୍ତି ଜଣେ ବାବୁଙ୍କ ପାଇଁ ଆପଣଙ୍କ ସରକାର କାହିଁକି ୭୨ ପୁଲିସ ଦେଇଥିଲେ | ସେ ଯେଉଁ ଆଡେ ଯାଉଥିଲେ କାହିଁକି ତାଙ୍କ ପାଇଁ ପୁଲିସ ନିୟୋଜିତ ହେଉଥିଲେ ? ଥାନାକୁ ଖାଲି କରାଯାଇ ଝାଳବୁହା କାମ କରା ଯାଉଥିଲା କାହିଁକି ? କିନ୍ତୁ ଆଜି ଦିନରେ ଆମ ମୁଖ୍ୟମନ୍ତ୍ରୀଙ୍କ ପାଇଁ ସେତିକି ସୁରକ୍ଷା କର୍ମୀ ଅବଶ୍ୟକ ପଡୁନି | ଏହି ସବୁ ପ୍ରଶ୍ନ ଉଠାଇଛନ୍ତି ଆଇନମନ୍ତ୍ରୀ ପୃଥ୍ଵୀରାଜ ହରିଚନ୍ଦନ| ସେ ଏ ସବୁର ଉତ୍ତର ରଖିବାକୁ ବିରୋଧୀ ସଦସ୍ୟଙ୍କୁ ନିବେଦନ କରିଛନ୍ତି ।
