ଅସୁବିଧାର ସମ୍ମୁଖୀନ ହେବେ ବିମାନ ଯାତ୍ରୀ; ବନ୍ଦ ହୋଇପାରେ ବିମାନ ଉଡାଣ
ନୂଆଦିଲ୍ଲୀ;୨୯|୧୧: ଏୟାରବସ୍ କମ୍ପାନୀର ଚେତାବନୀ | A320 ଫ୍ୟାମିଲି ବିମାନର ସଫ୍ଟୱେର୍ରେ ହେବ ଅପଗ୍ରେଡ୍ ଏଥିପାଇଁ ବଢିଛି ଚିନ୍ତା।ବିମାନ ଉଡ଼ାଣରେ ରହିଛି ଗୁରୁତର ତ୍ରୁଟି। ସଫ୍ଟୱେରରେ ଯାନ୍ତ୍ରିକ ତ୍ରୁଟି ଯୋଗୁଁ ୬ ହଜାର ବିମାନ ପ୍ରଭାବିତ ହୋଇଛି । ଭାରତ ସମେତ ସାରା ବିଶ୍ୱରେ ବିମାନ ସେବା ପ୍ରଭାବିତ ହୋଇଛି। କିଛି ଏୟାରଲାଇନ୍ସ ସେମାନଙ୍କ ବିମାନ ଉଡ଼ାଣ ରଦ୍ଦ କରିଛନ୍ତି | ଅନ୍ୟ କିଛି ବିମାନ ଉଡ଼ାଣରେ ବିଳମ୍ବ ହୋଇଛି । ସଫ୍ଟୱେର୍ ଅପଗ୍ରେଡ୍ ପାଇଁ ଅଧିକାଂଶ ବିମାନ କିଛି ଘଣ୍ଟା ମଧ୍ୟରେ ଉଡ଼ାଣ କରିବ । ହେଲେ ପ୍ରାୟ ୧ ହଜାର ବିମାନକୁ ଉଡ଼ାଣ ପାଇଁ ୧ ସପ୍ତାହ ମଧ୍ୟ ଲାଗିପାରେ ।
ତେବେ ପ୍ରଖର ସୌର ବିକିରଣରୁ ବିମାନର ଫ୍ଲାଇଟ୍ କଣ୍ଟ୍ରୋଲ ସିଷ୍ଟମ ପାଇଁ ଜରୁରୀ ଡାଟା ଖରାପ ହେଉଛି। ଏଥିପାଇଁ ସଫ୍ଟୱେର୍ ଅପଗ୍ରେଡର ଆବଶ୍ୟକତା ରହିଛି । ଦେଶରେ ୫୬୦ରୁ ଅଧିକ A320 ପ୍ଲେନ୍ ଉଡାଣ କରୁଛି। ଏଥି ମଧ୍ୟରୁ ୨୦୦ରୁ ୨୫୦ ପ୍ଲେନ୍ ଗୁଡ଼ିକର ତୁରନ୍ତ ଯାଞ୍ଚ ଆବଶ୍ୟକ ହୋଇପଡ଼ିଛି। ଏନେଇ ଏୟାର ଇଣ୍ଡିଆ ଏବଂ ଇଣ୍ଡିଗୋ ପକ୍ଷରୁ ବୈଷୟିକ ପରାମର୍ଶ ଜାରି ହୋଇଛି।
