ପ୍ରଜ୍ଞା ପଟ୍ଟନାୟକ2/06/2023 at 1:16 PM
ଭୁବନେଶ୍ୱର: ଶୁକ୍ରବାର ଦିନ ୧୧.୩୦ ସୁଦ୍ଧା ସମ୍ବଲପୁରର ତାପମାତ୍ରା ୪୧ ଡିଗ୍ରୀ ସହ ସବୁଠାରୁ ଗରମ ସ୍ଥାନ ପାଲଟିଛି। ଏ ନେଇ ଭାରତୀୟ ପାଣିପାଗ ବିଭାଗ (ଆଇଏମଡି) ସୂଚନା ଦେଇଛି।
ଝାରରସୁଗୁଡା ଏବଂ ଭୁବନେଶ୍ୱର ଯଥାକ୍ରମେ ୪୦.୬ ଡିଗ୍ରୀ ଏବଂ ୩୯.୬ ଡିଗ୍ରୀ ରେକର୍ଡ ହୋଇଛି। ସକାଳ ୮.୩୦ ସୁଦ୍ଧା ରାଜଧାନୀର ତାପମାତ୍ରା ୩୪ ଡିଗ୍ରୀ ସେଲସିୟସ ରହିଛି। ଏହି ସମୟ ମଧ୍ୟରେ, ମୟୂରଭଞ୍ଜ ଏବଂ କେନ୍ଦୁଝର ଜିଲ୍ଲାର କିଛି ଅଂଶରେ ବର୍ଷା ଓ ବଜ୍ରପାତ ସହ ପବନ ବହିବା ସମ୍ଭାବନା ରହିଛି।
ଏହି ସମୟରେ ପବନର ବେଗ ୩୦ରୁ ୪୦ କିଲୋମିଟର ରହିବ ବୋଲି ପାଣିପାଗ ବିଭାଗ ଆକଳନ କରିଛି। ଏ ନେଇ ୟେଲୋ ୱାର୍ଣ୍ଣିଂ ମଧ୍ୟ ଜାରି କରିଛି ପାଣିପାଗ ବିଭାଗ। ଆସନ୍ତା ୫ ଦିନ ମଧ୍ୟରେ ଦିନର ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର।