Ishan Kishan Record: ସୂର୍ଯ୍ୟକୁମାରଙ୍କ ରେକର୍ଡ ଭାଙ୍ଗିଲେ ଇଶାନ କିଶନ, ଗୋଟିଏ କ୍ୟାଲେଣ୍ଡର ବର୍ଷରେ ଟି-୨୦ ଅନ୍ତର୍ଜାତୀୟରେ କରିଛନ୍ତି ସର୍ବାଧିକ ରନ୍
ନୂଆଦିଲ୍ଲୀ: ଭାରତୀୟ କ୍ରିକେଟର ଇଶାନ କିଶନ ଟି-୨୦ ଫର୍ମାଟ୍ରେ ଏକ ନୂଆ ରେକର୍ଡ କରିଛନ୍ତି। ଗୋଟିଏ କ୍ୟାଲେଣ୍ଡର ବର୍ଷରେ ସର୍ବାଧିକ ରନ୍ କରିବାରେ ସେ ପୂର୍ବତନ ରେକର୍ଡଧାରୀ ସୂର୍ଯ୍ୟକୁମାର ଯାଦବଙ୍କୁ ପଛରେ ପକାଇଛନ୍ତି। ଏକ ମ୍ୟାଚ୍ରେ ଇଶାନ ମାତ୍ର ୩୨ଟି ବଲ୍ରୁ ୬୧ ରନ୍ କରି ଏହି ସଫଳତା ହାସଲ କରିଥିଲେ। ତାଙ୍କ ଇନିଂସରେ ୫ଟି ଛକା ଓ ୫ଟି ଚୌକା ସାମିଲ ଥିଲା।
ଏହି ଇନିଂସ ସହ ଇଶାନଙ୍କ ନାଁରେ ଭାରତୀୟ ବ୍ୟାଟର ଭାବେ କ୍ୟାଲେଣ୍ଡର ବର୍ଷରେ ସର୍ବାଧିକ ରନ୍ କରିବାର ରେକର୍ଡ ଯୋଡ଼ି ହୋଇଛି। ଏହାସହ ଟି-୨୦ ଅନ୍ତର୍ଜାତୀୟ କ୍ରିକେଟ୍ରେ ତାଙ୍କର ମୋଟ ରନ୍ ସଂଖ୍ୟା ୨,୦୧୬ରେ ପହଞ୍ଚିଛି। ଏଥିପାଇଁ ସେ ୬୯ଟି ମ୍ୟାଚ୍ ଖେଳିଛନ୍ତି।
ଇଶାନ ଏପର୍ଯ୍ୟନ୍ତ ଟି-୨୦ ଅନ୍ତର୍ଜାତୀୟରେ ୨୦୬ଟି ଚୌକା ଓ ୯୬ଟି ଛକା ମାରିଛନ୍ତି। ଆକ୍ରମଣାତ୍ମକ ବ୍ୟାଟିଂ ପାଇଁ ପରିଚିତ ଇଶାନଙ୍କ ଏହି ପ୍ରଦର୍ଶନ ତାଙ୍କ ଟି-୨୦ କ୍ୟାରିୟରରେ ଆଉ ଏକ ଉଲ୍ଲେଖନୀୟ ସଫଳତା ଭାବେ ଯୋଡ଼ି ହୋଇଛି।
