SummitSathi: ଏଣିକି ଇଣ୍ଟରନେଟ୍ ବିନା ମିଳିବ ପାଣିପାଗ ସୂଚନା, ମାତ୍ର ୬୮ ହଜାର ଟଙ୍କାରେ ଡିଭାଇସ୍ ତିଆରି କଲେ ହାଇଦ୍ରାବାଦର ଛାତ୍ର
ହାଇଦ୍ରାବାଦ: ହାଇଦ୍ରାବାଦର ଦ୍ୱାଦଶ ଶ୍ରେଣୀର ଛାତ୍ର ଆଗମ ଜୈନ୍ ଏକ ନିଆରା ଉପକରଣ ତିଆରି କରିଛନ୍ତି। ଏହାର ନାମ ରଖାଯାଇଛି ‘SummitSathi’। ମାତ୍ର ୬୮ ହଜାର ଟଙ୍କା ପାଖାପାଖି ଖର୍ଚ୍ଚରେ ପ୍ରସ୍ତୁତ ଏହି ଡିଭାଇସ୍ ସାହାଯ୍ୟରେ ଇଣ୍ଟରନେଟ୍ କିମ୍ବା ମୋବାଇଲ୍ ନେଟୱର୍କ ବିନା ମଧ୍ୟ ପାଣିପାଗ ସମ୍ପର୍କିତ ସୂଚନା ପାଇହେବ।
SummitSathi ଆକାଶରେ ଗତି କରୁଥିବା ପାଣିପାଗ ଉପଗ୍ରହରୁ ସିଧାସଳଖ ମେଘର ଚିତ୍ର ଗ୍ରହଣ କରିପାରେ। ଏଥିପାଇଁ ଇଣ୍ଟରନେଟ୍ ସଂଯୋଗ କିମ୍ବା ମୋବାଇଲ୍ ନେଟୱର୍କର ଆବଶ୍ୟକତା ପଡ଼େ ନାହିଁ। ଫଳରେ ଦୂରଦୂରାନ୍ତର ପାହାଡ଼ିଆ ଅଞ୍ଚଳରେ ଯେଉଁଠାରେ ଯୋଗାଯୋଗ ସେବା ବାଧାପ୍ରାପ୍ତ ହୁଏ, ସେଠାରେ ମଧ୍ୟ ଏହି ଉପକରଣ କାମ କରିପାରିବ।
ବିଶେଷକରି ପାହାଡ଼ିଆ ଓ ଦୁର୍ଗମ ଅଞ୍ଚଳରେ ଯାତ୍ରା କରୁଥିବା ଲୋକଙ୍କ ପାଇଁ ଏହି ଉପକରଣ ଉପଯୋଗୀ ହୋଇପାରେ। ଯୋଗାଯୋଗ ବ୍ୟବସ୍ଥା ନଥିବା ସ୍ଥାନରେ ମଧ୍ୟ ଉପଗ୍ରହରୁ ମେଘର ଚିତ୍ର ପାଇବାର ସୁବିଧା ଏହାକୁ ସ୍ୱତନ୍ତ୍ର କରିଛି। ଜଣେ ସ୍କୁଲ୍ ଛାତ୍ରଙ୍କ ଏହି ଉଦ୍ୟମ ଟେକ୍ନୋଲୋଜି କ୍ଷେତ୍ରରେ ନୂଆ ସମ୍ଭାବନା ଦେଖାଇଛି।
