Papiya Adhikari: ବାଣ ଫୁଟାଇଲେ ରୋଗ ଭଲ ହୁଏ! ବିଜେପି ବିଧାୟିକାଙ୍କ ମନ୍ତବ୍ୟକୁ ନେଇ ସୃଷ୍ଟି ହୋଇଛି ବିବାଦ
ପଶ୍ଚିମବଙ୍ଗ: ପଶ୍ଚିମବଙ୍ଗର ବିଜେପି ବିଧାୟିକା ପାପିୟା ଅଧିକାରୀଙ୍କ ଏକ ମନ୍ତବ୍ୟକୁ ନେଇ ବିବାଦ ସୃଷ୍ଟି ହୋଇଛି। କୋଲକାତାରେ କାଳୀପୂଜା କାର୍ଯ୍ୟକ୍ରମରେ ଯୋଗଦେଇ ସେ ବାଣ ଫୁଟାଇବା ଦ୍ୱାରା ରୋଗ ଭଲ ହୋଇଥାଏ ବୋଲି ଦାବି କରିଥିଲେ। ତାଙ୍କର ଏହି ମନ୍ତବ୍ୟ ସାମ୍ନାକୁ ଆସିବା ପରେ ଏହାକୁ ନେଇ ରାଜନୈତିକ ଓ ସାମାଜିକ ମହଲରେ ଆଲୋଚନା ଆରମ୍ଭ ହୋଇଛି।
ବିଶେଷକରି ଦୀପାବଳି ସମୟରେ ବାୟୁ ପ୍ରଦୂଷଣକୁ ନେଇ ଚିନ୍ତା ବଢ଼ିଥିବା ବେଳେ ବିଧାୟିକାଙ୍କ ଏହି ମନ୍ତବ୍ୟ ଅନେକଙ୍କୁ ଆଶ୍ଚର୍ଯ୍ୟ କରିଛି। ତାଙ୍କ କଥାକୁ ନେଇ ସୋସିଆଲ ମିଡିଆରେ ଅନେକ ବ୍ୟଙ୍ଗାତ୍ମକ ପ୍ରତିକ୍ରିୟା ଦେଖିବାକୁ ମିଳିଛି। ପ୍ରଦୂଷଣ ନିୟନ୍ତ୍ରଣ ନେଇ ସଚେତନତା ବଢ଼ାଇବାର ଆବଶ୍ୟକତା ଥିବା ସମୟରେ ଏପରି ମନ୍ତବ୍ୟକୁ ନେଇ ପ୍ରଶ୍ନ ଉଠିଛି।
ସୂଚନା ଅନୁସାରେ, ଦୀପାବଳି ଦିନ କୋଲକାତାର ବାୟୁ ଗୁଣବତ୍ତା ସୂଚକାଙ୍କ (AQI) ୩୦୧ରେ ପହଞ୍ଚିଥିଲା। ଏହି ସ୍ତରକୁ ‘ଅତ୍ୟନ୍ତ ଖରାପ’ ବାୟୁ ଗୁଣବତ୍ତା ଶ୍ରେଣୀରେ ରଖାଯାଏ। ଏଭଳି ସ୍ଥିତିରେ ବାଣ ଫୁଟାଇବାକୁ ରୋଗ ଭଲ ହେବା ସହ ଯୋଡ଼ି ପାପିୟାଙ୍କ ମନ୍ତବ୍ୟ ବିବାଦକୁ ଆହୁରି ବଢ଼ାଇଛି।
