ପ୍ରଜ୍ଞା ପଟ୍ଟନାୟକ

12/06/2023 at 9:34 AM

ଭୁବନେଶ୍ବର : ଅସହ୍ୟ ତାତିକୁ ଅସମ୍ଭାଳ ଗୁଳୁଗୁଳିରେ କଲବଲ ହେଉଛନ୍ତି ରାଜ୍ୟବାସୀ। ଅସମ୍ଭାଳ ତାତିକୁ ପୁଣି ବିଦ୍ୟୁତ୍ କାଟ ଲୋକଙ୍କୁ ନାକେଦମ କରିସାରିଲାଣି। ରାଜ୍ୟର ବିଭିନ୍ନ ସ୍ଥାନରେ ଘନ ଘନ ବିଜୁଳି କାଟ ହେଉଛି। ରାଜଧାନୀରେ ମଧ୍ୟ ବିଦ୍ୟୁତ କାଟ ଭଳି ସମସ୍ୟା ଦେଖାଦେଇଛି।

ଏପରି ସ୍ଥିତିରେ ବିଜୁଳି ସମସ୍ୟା ନେଇ ମୁଖ୍ୟ ଶାସନ ସଚିବ ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି । ଲୋକସେବା ଭବନରେ ବୈଠକ ଅନୁଷ୍ଠିତ ହେବ। ଏହି ବୈଠକରେ ରାଜ୍ୟର ୪ ବିଦ୍ୟୁତ୍ ବିତରଣ କମ୍ପାନୀ ସିଇଓ ଯୋଗଦେବେ ବୋଲି ସୂଚନା ମିଳିଛି । ତେବେ ଆଜି ବୈଠକରେ କ’ଣ ନିଷ୍ପତ୍ତି ନିଆଯାଉଛି ତାହା ଉପରେ ସାରା ରାଜ୍ୟର ନଜର ରହିଛି ।