ପ୍ରଜ୍ଞା ପଟ୍ଟନାୟକ12/06/2023 at 10:29 AM
ଭୁବନେଶ୍ବର: ବାହାନଗା ଟ୍ରେନ ଦୁର୍ଘଟଣା। ଏହି ଛାତିଥରା ଟ୍ରେନ୍ ଦୁର୍ଘଟଣାର ଚାଲିଛି ଜୋରଦାର ସିବିଆଇ ତଦନ୍ତ। ସଳଚନା ଅନୁଯାୟୀ ସିବିଆଇକୁ ମିଳିଛି ବଡ ସଫଳତା। ସିଗନାଲ ତ୍ରୁଟି ଯୋଗୁଁ ଦୁର୍ଘଟଣା ଘଟିଥିବା ଜଣାପଡ଼ିଛି । ସିବିଆଇ ଟିମ ୩ ଜଣ ରେଳ କର୍ମଚାରୀଙ୍କୁ ଜେରା କରୁଥିବା ସୂଚନା ମିଳିଛି । ଏମାନଙ୍କ ମଧ୍ୟରେ ଜଣେ ଷ୍ଟେସନ ମାଷ୍ଟର, ଜଣେ ଟେକ୍ନିସିଆନ ଓ ଅନ୍ୟ ଜଣେ ରେଳ କର୍ମଚାରୀ ଥିବା ଜଣାପଡିଛି ।
ଜୁନ୍ ୨ ତାରିଖରେ ଘଟିଥିବା ଲୋମହର୍ଷଣକାରୀ ଦୁର୍ଘଟଣା କେମିତି ଓ କାହିଁକି ହୋଇଥିଲା ତାକୁ ନେଇ ସମସ୍ତଙ୍କ ମନରେ ପ୍ରଶ୍ନ। ସୂଚନା ଅନୁଯାୟୀ ଜୁନ୍ ୨ ତାରିଖ ଦିନ ସକାଳେ ବାହାନଗା ବଜାର ଷ୍ଟେସନରେ ଆସିଷ୍ଟାଣ୍ଡ ଷ୍ଟେସନ ମାଷ୍ଟର ଏହି ତୃଟି ବିଷୟରେ କର୍ମଚାରୀଙ୍କୁ ଅବଗତ କରାଇଥିଲେ । ଏହାପରେ ଆସିଷ୍ଟାଣ୍ଡ ଷ୍ଟେସନ ମାଷ୍ଟର ଟେକ୍ନିସିଆନଙ୍କୁ ଡାକିଥିଲେ । ଦିନ ପ୍ରାୟ ୧୧ଟା ବେଳେକୁ ଟେକ୍ନିସିଆନ ସିଗନାଲ ବ୍ୟବସ୍ଥାକୁ ଠିକ୍ କରି ଦେଇଥିଲେ ।
ପରେ ସିଗନାଲିଂ ବ୍ୟବସ୍ଥା ସଠିକ୍ ଭାବେ କାମ କରୁଛି କି ନାହିଁ ସେ ନେଇ ଆଉ ଯାଞ୍ଚ କରିନଥିଲେ ଆସିଷ୍ଟାଣ୍ଡ ଷ୍ଟେସନ ମାଷ୍ଟର । ଯେଉଁଥିପାଇଁ ଏତେ ବଡ଼ ଓ ଭୟଙ୍କର ଦୁର୍ଘଟଣା ଘଟିଥିଲା। ଏହି ସୂଚନା ସିବିଆଇକୁ ମିଳିଥିବା ପ୍ରମାଣରୁ ଜାଣିବାକୁ ମିଳିଛି। ଏହି ତ୍ରୁଟି କାରଣରୁ କରମଣ୍ଡଳ ଟ୍ରେନ୍ ମେନ ଲାଇନରେ ନଯାଇ ଲୁପ ଲାଇନକୁ ପଳାଇଥିଲା। ଫଳରେ ଦୁର୍ଘଟଣା ଘଟିଥିଲା।