ପ୍ରଜ୍ଞା ପଟ୍ଟନାୟକ

12/06/2023 at 11:49 AM

ଭୁବନେଶ୍ବର: ରାଜ୍ୟରେ ଘନ ଘନ ବିଦ୍ୟୁତ କାଟ ଯୋଗୁ ଅସ୍ତବ୍ୟସ୍ତ ଜନଜୀବନ। ଆଜି ଏହି ବିଦ୍ୟୁତ କାଟ ଲାଗି ଗୁରୁତ୍ବପୂର୍ଣ୍ଣ ବୈଠକ ଡକାଇଛନ୍ତି। ତେବେ ଏହାକୁ ନେଇ ଏବେ ଜନ ଅସନ୍ତୋଷ ଦେଖିବାକୁ ମିଳିଛି। ଏହାକୁ ନେଇ ଶକ୍ତିମନ୍ତ୍ରୀଙ୍କୁ ଘେରିଛନ୍ତି ଛାତ୍ର କଂଗ୍ରେସ।ପାୱାରକଟ ଯୋଗୁ ଶକ୍ତିମନ୍ତ୍ରୀଙ୍କ ଘର ଆଗରେ ଛାତ୍ର କଂଗ୍ରେସର ବିକ୍ଷୋଭ ପ୍ରଦର୍ଶନ କରୁଛନ୍ତି । ଅଘୋଷିତ ବିଦ୍ୟୁତକାଟକୁ ବିରୋଧ କରି ହାତରେ ବିଂଚଣା ଓ ଲଣ୍ଠନ ଧରି ବିକ୍ଷୋଭ କରୁଛି ଛାତ୍ର କଂଗ୍ରେସ ।

ଅସହ୍ୟ ଗରମ ଓ ଗୁଳୁଗୁଳିରେ କଲବଲ ହେଉଛନ୍ତି ରାଜ୍ୟବାସୀ। ଏପଟେ ଅଘୋଷିତ ବିଦ୍ୟୁତ କାଟ ଲୋକଙ୍କ ଚିନ୍ତା ବଢାଇଦେଇଛି। ଅନ୍ୟପଟେ ରାଜ୍ୟରେ ବିଦ୍ୟୁତ୍‌ କାଟ ହେଉଥିବା ମାନୁ ନାହାନ୍ତି ଶକ୍ତିମନ୍ତ୍ରୀ। ଏହା ପାୱାର କଟ ନୁହେଁ ବରଂ ଏହା ପାୱାର ଟ୍ରିପ ବୋଲି କହିଛନ୍ତି ଶକ୍ତିମନ୍ତ୍ରୀ।