ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ26/02/2024 at 12:27 PM
ଭୁୁବନେଶ୍ୱର: ଓଡିଶା ଗସ୍ତରେ ଆସୁଛନ୍ତି ମାଇକ୍ରୋସଫ୍ଟର ସହ ପ୍ରତିଷ୍ଠାତା ବିଲ୍ ଗେଟ୍ସ । ଆସନ୍ତା ୨୮ ତାରିଖରେ ବିଲ୍ ଗେଟ୍ସ ଓଡିଶା ଆସିବା ନେଇ ସୂଚନା ମିଳିଛି । ଓଡିଶା ଗସ୍ତ ବେଳେ ବିଲ୍ ଗେଟ୍ସ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଭୁବନେଶ୍ୱର ସ୍ଥିତ କୃଷି ଭବନ ପରିଦର୍ଶନ କରିବେ । ଏହି ସମୟରେ ରାଜ୍ୟ ସରକାରଙ୍କ ସହ କିଛି ପ୍ରକଳ୍ପ ଉପରେ ଚୁକ୍ତି ହେବାର ସମ୍ଭାବନା ରହିଛି ।
ସୂଚନାଯୋଗ୍ୟ, ୨୦୧୭ ମସିହାରେ ବିଲ୍ ଆଣ୍ଡ୍ ମେଲିଣ୍ଡା ଫାଉଣ୍ଡେସନ ସହ ଓଡିଶା ସରକାରଙ୍କ ସହ ଚୁକ୍ତି ହୋଇଥିଲା । ରାଜ୍ୟରେ କୃଷିର ଉନ୍ନତି ପାଇଁ ବିଲ୍ ଗେଟ୍ସ ପ୍ରୟାସ ଚଳାଇଛି । ତାଙ୍କ ସଂସ୍ଥା ମଧ୍ୟ ଏଥିରେ ବେଶ ଆଗ୍ରହ ପ୍ରକାଶ କରି ସାରିଛନ୍ତି ଏବଂ ଏହି ଦିଗରେ କାର୍ଯ୍ୟ ଜାରି ରହିଛି । ଏହି କ୍ରମରେ ଆସନ୍ତା ୨୮ ତାରିଖରେ ବିଲ୍ ଗେଟ୍ସ ଓଡିଶା ଗସ୍ତ କରିବେ ଓ ମୁଖ୍ୟମନ୍ତ୍ରୀଙ୍କୁ ଭେଟି କୃଷିର ଉନ୍ନତି ମୂଳକ ବିଷୟରେ ଆଲୋଚନା କରି କିଛି ନୂଆ ଚୁକ୍ତି ସ୍ୱାକ୍ଷର ହୋଇପାରେ ।