ଆଉ କିଛି ସମୟରେ ପୁରୀ ପହଞ୍ଚିବେ ଗଡକରୀ; ଆସାମ ମୁଖ୍ୟମନ୍ତ୍ରୀଙ୍କ ବି ରହିଛି କାର୍ଯ୍ୟକ୍ରମ

ଭୁୁବନେଶ୍ୱର: ଓଡିଶାରେ ଜୋର ଧରିଛି ନିର୍ବାଚନ ପ୍ରଚାର । କେନ୍ଦ୍ରୀୟ ବିଜେପି ନେତାଙ୍କ ଘନ ଘନ ପ୍ରଚାରରେ କମ୍ପୁଛି ପ୍ରଚାର ମଇଦାନ । ଗତକାଲି ରାଜନାଥ ସିଂଙ୍କ ପରେ ଆଜି ଓଡିଶା ଆସୁଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡକରୀ । ସେହିପରି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ମଧ୍ୟ ଆଜି ଓଡିଶାର ଅନେକ ସ୍ଥାନରେ ପ୍ରଚାର କାର୍ଯ୍ୟକ୍ରମ ରହିଛି । କେନ୍ଦ୍ର ବିଜେପି ନେତୃତ୍ୱଙ୍କ ଘନ ଘନ ଗସ୍ତ ଏବଂ ପ୍ରଚାରରେ ରାଜ୍ୟ ବିଜେପି ଶିବିରରେ ନେତାଙ୍କୁ ନେଇ କର୍ମୀ ସଭିଏ ଉତ୍ସାହିତ ।

ଗଡ଼କରୀ ପୁରୀ ଗସ୍ତରେ ଯାଇ କୃଷ୍ଣପ୍ରସାଦରେ ବିରାଟ ଜନସଭାରେ ଯୋଗଦେବାର କାର୍ଯ୍ୟକ୍ରମ ରହିଛି। ସେହିପରି ହିମନ୍ତ ବିଶ୍ୱଶର୍ମା ମାଲକାନଗିରି, ଚିତ୍ରକୋଣ୍ଡା ଓ ଖଲ୍ଲିକୋଟରେ ପ୍ରଚାର କରିବେ। ବିଜେପିର ଷ୍ଟାର କ୍ୟାମ୍ପେନର ନୀତିନ ଗଡକରୀ ମଧ୍ୟାହ୍ନ ୧୨ଟା ୧୦ରେ ଭୁୁବନେଶ୍ୱର ବିମାନ ବନ୍ଦରରେ ପହଞ୍ଚିବେ । ସେଠାରୁ ସ୍ୱତନ୍ତ୍ର ହେଲିକପ୍ଟରରରେ ପୁରୀ ଯିବେ । ୧ଟାରୁ ୧ଟା ୪୫ ମଧ୍ୟରେ ମହାପ୍ରଭୁଙ୍କ ଦର୍ଶନ କରିବେ । ଏହା ପରେ ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ବାସଗୃହ ଯିବେ । ସେଠାରେ କିଛି ସମୟ ରହଣି ପରେ ଅପରାହ୍ଣ ୩ଟା ୩୦ରେ ପୁରୀ ଜିଲ୍ଲା କୃଷ୍ଣପ୍ରସାଦରେ ବିଜେପିର ବିରାଟ ସମାବେଶକୁ ସମ୍ବୋଧିତ କରିବେ ।

ସେହିପରି ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁଦେଓ ସାଏ ଆଜି ନବରଙ୍ଗପୁରର ଏକାଧିକ ସ୍ଥାନରେ ନିର୍ବାଚନ ପ୍ରଚାର କରିବେ। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ମାଲକାନଗିରି, ଚିତ୍ରକୋଣ୍ଡା ଓ ଖଲ୍ଲିକୋଟରେ ପ୍ରଚାର କରିବେ। ପୁଣି ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭୁୁବନେଶ୍ୱରରେ ରୋଡ୍ ଶୋ କାର୍ଯ୍ୟକ୍ରମ ରହିଛି । ଏହା ପରେ ମେ ୧୧ ତାରିଖରେ ବଲାଙ୍ଗୀରରେ ପ୍ରଚାର କରିବେ । ପୁଣି ୧୨ ତାରିଖରେ ଗୃହମନ୍ତ୍ରୀ ଅମିତ ଶାହଙ୍କ ଓଡିଶା ଗସ୍ତ କାର୍ଯ୍ୟକ୍ରମ ରହିଛି।