ଓଡ଼ିଶା ଡଟ୍ ନ୍ୟୁଜ୍7/08/2024 at 1:01 PM
ସୁନ୍ଦରଗଡ଼: ହାଇଓ୍ବାକୁ ପଛରୁ ପିଟିଲା ଟ୍ରକ୍ । ଭାରସାମ୍ୟ ହରାଇ ଘାଟି ତଳକୁ ଖସି ପଡ଼ିଲେ ଦୁଇ ଗାଡ଼ି । ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା କେବଲାଙ୍ଗ ଥାନା ଅନ୍ତର୍ଗତ ଚୁନା ଘାଟି ସଡ଼କରେ । ଦୁର୍ଘଟଣାରେ ହାଇୱା ଚାଳକ ଗୁରୁତର ଆହତ ହୋଇଛନ୍ତି । ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଆଜି ସକାଳେ ହାଇୱାଟି ଲୁହା ବୋଝେଇ କରି ଯାଉଥିବା ବେଳେ ଚୁନା ଘାଟିରେ ଏକ ଟ୍ରକ୍ ପଛରୁ ଆସି ଧକ୍କା ଦେଇଥିଲା । ପରେ ହାଇୱା ଓ ଟ୍ରକ୍ ଭାରସାମ୍ୟ ହରାଇ ଘାଟି ତଳକୁ ଖସି ପଡ଼ିଥିଲେ । ଟ୍ରକ୍ ଡ୍ରାଇଭର ଗାଡ଼ିଟି ଘାଟି ତଳକୁ ଖସିବା ବେଳେ ଡେଇଁ ପଡ଼ିଥିବା ବେଳେ ହାଇୱା ଡ୍ରାଇଭର କ୍ୟାବିନ ଭିତରେ ଚାପି ହୋଇଯାଇଥିଲେ । ଅଗ୍ନିଶମ ବାହିନୀ ପହଞ୍ଚି କ୍ୟାବିନକୁ କଟରରେ କାଟି ଡ୍ରାଇଭରକୁ ଭିତରୁ ବାହାର କରିଥିଲେ । ପ୍ରଥମେ ତାଙ୍କୁ ଲହୁଣୀପଡ଼ା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଗୁରୁତର ଥିବାରୁ ରାଉରକେଲା ସ୍ଥାନାନ୍ତର କରାଯାଇଛି । ପୋଲିସ ଗାଡ଼ି ଦୁଇଟିକୁ ଜବତ କରି ଘଟଣାର ତଦନ୍ତ କରୁଛି ।