ସମ୍ବଲପୁର ମୁଖ୍ୟ ଚିକିତ୍ସାଳୟରେ ନିଶ୍ଚେତକ ଡାକ୍ତର ପାଇଲେ ନିଯୁକ୍ତି
ସମ୍ବଲପୁର: ଜିଲ୍ଲା ମୂଖ୍ୟ ଚିକିତ୍ସାଳୟ ରେ ରେ ନିଶ୍ଚେତକ ଡାକ୍ତର ଙ୍କ ନିଯୁକ୍ତି ।ଦୀର୍ଘ ଦିନଧରି ଖାଲି ପଡିଥିବା ଏହି ପଦବୀ ପୂରଣ ହୋଇଥିବାରୁ ସ୍ଵାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ମୁକେଶ ମହାଲିଙ୍ଗ ଙ୍କୁ ଧନ୍ୟବାଦ ଜଣାଇଛି ପଶ୍ଚିମାଞ୍ଚଲ୍ ଏକତା ମଞ୍ଚ ।
ତିନି ମାସ ପୂର୍ବରୁ ଜିଲ୍ଲା ମୂଖ୍ୟ ଚିକିତ୍ସା ଅଧିକାରୀ ଙ୍କୁ ଭେଟି ଦାବି କରିଥିଲେ । ସ୍ଵାସ୍ଥ୍ୟ ଓ ପାରିବାର କଲ୍ୟାଣ ମନ୍ତ୍ରୀ ଡ.ମୁକେଶ ମହାଲିଙ୍ଗ ଙ୍କ ସମ୍ବଲପୁର ଗସ୍ତ ସମୟ ରେ ମଧ୍ଯ ମଞ୍ଚ ର ସଦସ୍ୟ ସଦସ୍ୟା ଗଣ ସାକ୍ଷାତ କରି ସମ୍ବଲପୁର ଜିଲ୍ଲା ମୂଖ୍ୟ ଚିକିତ୍ସାଳୟ ରେ ନିଶ୍ଚେତକ ଡାକ୍ତର ପଦବୀ ଭର୍ତ୍ତି ପାଇଁ ଅନୁରୋଧ କରିଥିଲେ ।
ବହୁ ବର୍ଷ ଧରି ମୁଖ୍ୟ ଚିକିତ୍ସାଳୟ ରେ ନିଶ୍ଚେତକ ଡାକ୍ତର ପଦବୀ ଖାଲି ପଡ଼ି ରହିଥିଲା । ସଧାରଣ ଅସ୍ତ୍ରୋପଚାର ଟିଏ ମଧ୍ଯ ହୋଇ ପାରୁ ନଥିଲା । ଛୋଟିଆ ରୁ ଛୋଟିଆ ଅସ୍ତ୍ରୋପଚାର ଟିକେ ପାଇଁ ମଧ୍ଯ ନର୍ସିଂ ହୋମ୍ ଉପରେ ରୋଗୀଙ୍ଲୁ ନିର୍ଭର କରିବାକୁ ପଡୁଥିଲା।ଏପରିକି ଗରୀବ ଲୋକେ ଆଶ୍ରା କରୁଥିଲେ ବୁର୍ଲ ଭିମସାର ଉପରେ । ବିଭିନ୍ନ ସମୟ ରେ ବିଭିନ୍ନ ଅନୁଷ୍ଠାନ ମାନଙ୍କ ପକ୍ଷରୁ ମଧ୍ଯ ଦାବି ହୋଇ ଆସୁଥିଲା ।ବର୍ତ୍ତମାନ ଏହି ପଦବୀ ପୂରଣ ହୋଇଥିବାରୁ ସମ୍ବଲପୁର ବାସୀଙ୍କ ମନରେ ଆଶ୍ୱସ୍ତି ପ୍ରକାଶ ପାଇଛି।
