ରାଜାରାମ ଷଡଙ୍ଗୀ30/09/2024 at 8:17 AM
ସମ୍ବଲପୁର:ବୁର୍ଲା ସହରର ଏକମାତ୍ର ସରକାରୀ ଉଚ୍ଚବିଦ୍ୟାଳୟର ୧୯୮୩ ସିନିୟର ମାଟ୍ରିକ୍ ବ୍ୟାଚ୍ ଛାତ୍ର ଙ୍କ ଏକ ବୈଠକ ପ୍ରଶାନ୍ତ ପାଢୀ ଙ୍କ ଅଧ୍ୟକ୍ଷତାରେ ଆଜି ବୁର୍ଲା ଠାରେ ଅନୁଷ୍ଠିତ ହୋଇଯାଇଛି l ବହୁତ ଦିନ ପରେ ପୂରାତନ ଛାତ୍ର ମିଶିବାର ସୁଯୋଗ ପାଇଥିବାରୁ ଆନନ୍ଦ ପ୍ରକାଶ କରିଥିଲେ l ବିଭିନ୍ନ ବିଷୟରେ ଆଲୋଚନା କରିବା ସହିତ ଆସନ୍ତା ୧୭ ନଭେମ୍ବର ରବିବାର ଦିନ ପରିବାର ସହିତ ବନ୍ଧୁ ମିଳନ କାର୍ଯ୍ଯକ୍ରମ କରାଯିବାକୁ ନିଷ୍ପତ୍ତି ନିଆଯାଇଛି l ଉକ୍ତ ଦିନ ସମାଜ କଲ୍ୟାଣ ଏବଂ ହିତ ସାଧନ ହେଉଥିବା କିଛି ମହତ୍ତ୍ବ ପୂର୍ଣ୍ଣ କାର୍ଯ୍ୟ ହାତକୁ ନେବାକୁ ପ୍ରସ୍ତାବ ନିଆଯାଇଥିଲା l ଶ୍ୟାମ ସୁନ୍ଦର ରେଡ୍ଡୀ, କିଶୋର ବେହେରା, ଉପେନ୍ଦ୍ର ଦେବ ସାହୁ, ସୁଶାନ୍ତ ମିଶ୍ର, ନଳିନୀ କାନ୍ତ ସାହୁ, ପ୍ରଶାନ୍ତ ପାଢୀ, ଗୋବର୍ଦ୍ଧନ ସାହୁ, ଭୁବନେଶ୍ବର ବିଶୋଇ, ଲକ୍ଷ୍ମୀଧର ପ୍ରଧାନ ସମେତ ବହୁ ସଂଖ୍ଯାରେ ବ୍ୟାଚ୍ ଛାତ୍ର ଉପସ୍ଥିତ ଥିଲେ l ଶେଷରେ ଶ୍ୟାମ ସୁନ୍ଦର ରେଡ୍ଡୀ ଧନ୍ୟବାଦ ଅର୍ପଣ କରିଥିଲେ।