ଓଡ଼ିଶା ଡଟ୍ ନ୍ୟୁଜ୍12/10/2024 at 2:56 PM
କଟକ: କଟକ ଐତିହାସିକ ବାଲିଯାତ୍ରା ଆରମ୍ଭ ପୂର୍ବରୁ ବିବାଦ । ଜମି ନିଲାମ ପ୍ରକ୍ରିୟା ବନ୍ଦ କରିବା ଓ ଜମି ବର୍ଗଫୁଟ ପିଛା ଟଙ୍କା କୋହଳ କରିବାକୁ ଦାବି । ସାମ୍ବାଦିକ ସମ୍ମିଳନୀ କରି ଏହି ଦାବି କରିଛି ବାଲିଯାତ୍ରା ମିଳିତ ମଞ୍ଚ ।
ଏହା ବ୍ୟତୀତ କଟକ ବ୍ୟବସାୟୀଙ୍କୁ ପ୍ରାଧାନ୍ୟ ଦେବାକୁ ମଞ୍ଚ ପକ୍ଷରୁ ଦାବି କରାଯାଇଛି । ବାଲିଯାତ୍ରା ଓଡ଼ିଆ ଅସ୍ମିତାର ଏକ ପ୍ରତୀକ । ଏଠାରେ ୧୦୦ କୋଟିରୁ ଅଧିକ ଟଙ୍କାର ବ୍ୟବସାୟ ହୋଇଥାଏ । ବିଭିନ୍ନ ବର୍ଗର ବ୍ୟବସାୟୀ ଲାଭନ୍ବିତ ହୋଇଥାନ୍ତି । କିଛିବର୍ଷ ହେବ କଟକରେ ଲାଗି ରହିଥିବା କିଛି ନିୟମ ବ୍ୟବସାୟୀଙ୍କୁ କୁଠାରଘାତ କରିଛି । ଯାହାକୁ ଚଳିତବର୍ଷ ପରିବର୍ତ୍ତନ କରିବା ପାଇଁ ଜିଲ୍ଲା ପ୍ରଶାସନକୁ ଦାବି କରିଛି ମଞ୍ଚ । ଯଦି ଏହି ଦିଗରେ କୌଣସି ପଦକ୍ଷେପ ଗ୍ରହଣ କରା ନଯାଏ ତେବେ ମଞ୍ଚ ଯେଉଁ ନିଷ୍ପତ୍ତି ନେବ ସେଥିପାଇଁ ପ୍ରଶାସନ ଦାୟୀ ରହିବ ବୋଲି କୁହାଯାଇଛି ।