ମାଁ ଭୁବନେଶ୍ୱରୀ ଙ୍କର ବିଜୟା ଦଶମୀ ତଥା ଅପରାଜିତା ପୂଜା ସମ୍ପନ୍ନ

ରାଜାରାମ ଷଡଙ୍ଗୀ

ସମ୍ବଲପୁର: ସମ୍ବଲପୁର ସହରର ଆକର୍ଷଣ ଗୋବିନ୍ଦତୋଳା ଦୁର୍ଗାପୂଜା ମହାସମାରୋହରେ ଆୟୋଜିତ ହୋଇଯାଇଛି l ମହାନବମୀ ଦିନ ମଧ୍ୟରାତ୍ରି ରେ ଚଣ୍ଡୀ ହୋମ ଯଜ୍ଞ ହୋଇଥିବା ବେଳେ ବିଜୟା ଦଶମୀ ଦିନ ଅପରାଜିତା ପୂଜା ଅନୁଷ୍ଠିତ ହୋଇଥିଲା l ଅପରାହ୍ନ ରେ ଘଟ ବିସର୍ଜନ କରାଯାଇଥିଲା l ବିଜୟା ଦଶମୀ ଦଶହରା ପୂର୍ଣ୍ଣାହୁତି ସମୟରେ ରାଜ୍ୟ ସରକାର ଙ୍କର ରାଜସ୍ବ ଓ ବିପର୍ଯାୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଓ ସମ୍ବଲପୁର ବିଧାୟକ ଜୟନାରାୟଣ ମିଶ୍ର ମାଁ ଭୁବନେଶ୍ୱରୀ ଙ୍କୁ ଦର୍ଶନ କରିବା ସାଥିରେ ମାଁ ଙ୍କର ଆଶୀର୍ବାଦ ନେଇଥିଲେ ବୋଲି କମିଟି ର ମୁଖପାତ୍ର ସୂର୍ଯ୍ୟ ପାଣିଗ୍ରାହୀ ସୂଚନା ଦେଇଛନ୍ତି l
ପୂଜା କର୍ତ୍ତା ଇ. ସଞ୍ଜୟ ତ୍ରିପାଠୀ, ଡାକ୍ତର ନମିତା ନାଥ ମାଁ ଭୁବନେଶ୍ୱରୀ ଙ୍କୁ ପୂଜାବିଧି କରିଥିବା ବେଳେ ପୂଜକ ଜଗଦୀଶ ଦାସ, ସୁଶ୍ରିତ ଷଡ଼ଙ୍ଗୀ, ସରୋଜ ପୁରୋହିତ ପୂଜା କାର୍ଯ୍ୟ ସମ୍ପାଦନା କରିଥିଲେ l ସାଧକ ଅଶୋକ ପଣ୍ଡା ଚଣ୍ଡୀ ଶ୍ଳୋକ ପାଠ କରିଥିଲେ l ପ୍ରଦୀପ ମିଶ୍ର, ଦାଶରଥି ପଣ୍ଡା, ପ୍ରକାଶ ପଣ୍ଡା, ପ୍ରହଲ୍ଲାଦ ପାଣିଗ୍ରାହୀ, ଶ୍ରୀକାନ୍ତ ପଣ୍ଡା, ଅନିଲ ନାୟକ, ଦୀପକ ପଣ୍ଡା, ଗୌରୀଦାସ ପଣ୍ଡା, ପ୍ରତୀକ ପଣ୍ଡା, ଟୁଲୁ ପଣ୍ଡା, ରଂଜିତ ରଥ, ବସନ୍ତ ଦାସ ପ୍ରମୁଖ ଚଣ୍ଡୀ ହୋମ ପରିଚାଳନା କରିଥିଲେ।