ରାଜାରାମ ଷଡଙ୍ଗୀ4/11/2024 at 6:20 PM
ସମ୍ବଲପୁର:ଓଡ଼ିଶା ବିଦ୍ୟୁତ୍ ଶକ୍ତି ସଞ୍ଚାରଣ ନିଗମ ଲିମିଟେଡ (ଓପିଟିସିଏଲ୍) ପକ୍ଷରୁ ୧୩୨/୩୩ କେ.ଭି. ସମ୍ବଲପୁର ଗ୍ରୀଡ୍ ସବଷ୍ଟେସନରେ ବାର୍ଷିକ ରକ୍ଷଣାବେକ୍ଷଣ କାର୍ଯ୍ୟ ଲାଗି ସମ୍ୱଲପୁର ସହର ଅନ୍ତର୍ଗତ ଅଇଁଠାପାଲି, ରେମେଡ଼, ବୁଢାରଜା, କ୍ଷେତ୍ରରାଜପୁର, ଫାର୍ମରୋଡ଼, ବଡ଼ବଜାର, ନନ୍ଦପଡ଼ା. ଝାରୁଆପଡ଼ା, କାଇଁସିର୍, ରେଙ୍ଗାଲି, ଧନୁପାଲି, କମିଶନର କଲୋନୀ, ପିଏଚଡି, ମୁଦିପଡ଼ା, ବରେଇପାଲି, ଗୁଜୁରାଟୀ କଲୋନୀ, ପେନସନପଡ଼ା, ସୋନାପାଲି ଆଦି ଅଞ୍ଚଳ ଏବଂ ଏହାର ଆଖପାଖ ଅଞ୍ଚଳରେ ଆସନ୍ତାକାଲି ଅର୍ଥାତ ତା. ୫ ରିଖି (ମଙ୍ଗଳବାର) ସକାଳ ୭. ୩୦ ଟାରୁ ଅପରାହ୍ନ ୫ ଟା ପର୍ଯ୍ୟନ୍ତ ବିଦ୍ୟୁତ୍ ଯୋଗାଣ ବନ୍ଦ ରହିବ I ଏହି ରକ୍ଷଣାବେକ୍ଷଣ କାର୍ଯ୍ୟ ସ୍ଥିର, ନିରବଚ୍ଛିନ୍ନ ତଥା ଗୁଣାତ୍ମକ ବିଦ୍ୟୁତ୍ ସେବା ପାଇଁ ଅତ୍ୟନ୍ତ ଜରୁରୀ ଅଟେ । ତେଣୁ ସାମୟିକ ସମୟ ପାଇଁ ବିଦ୍ୟୁତ୍ ସେବା ବ୍ୟାହତ ହେବା ଲାଗି ଟିପିଡବ୍ଲ୍ୟୁଓଡିଏଲ୍ କର୍ତୃପକ୍ଷ ଦୁଃଖପ୍ରକାଶ କରିବା ସହ ଏହି ଅଞ୍ଚଳର ବିଦ୍ୟୁତ୍ ଗ୍ରାହକ ତଥା ଜନସାଧାରଣଙ୍କ ସହଯୋଗ କାମନା କରିଛନ୍ତି।