ରାଜାରାମ ଷଡଙ୍ଗୀ

17/11/2024 at 4:14 AM

ସମ୍ବଲପୁର:ଆଜି ଉତ୍ତରାଞ୍ଚଳ ରାଜସ୍ୱ ଆୟୁକ୍ତ ଶ୍ରୀ ସଚିନ କୁମାର ଯାଦବ ଆଇ.ଏ.ଏସ ସମ୍ବଲପୁର ଜିଲ୍ଲାର ୧୭-ସମ୍ବଲପୁର ବିଧାନସଭା ନିର୍ବାଚନ ମଣ୍ଡଳୀର ୩ଟି ବୁଥ୍ କୁ ଭୋଟର ତାଲିକା ପର୍ଯ୍ୟବେକ୍ଷକ ଭାବେ ପରିଦର୍ଶନ କରିଛନ୍ତି। ଏହି ୩ଟି ବୁଥ୍ ହେଉଛି ସରକାରୀ ପ୍ରାଥମିକ ବିଦ୍ୟାଳୟ ଗୋଲଗୁଣ୍ଡା, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦୁର୍ଗାପାଲି ଓ ଏସ.ଡ଼ି.ଏସ ସରକାରୀ ଉଚ୍ଚ ବିଦ୍ୟାଳୟ ବଡ଼ବଜାର | ଏହି ଗସ୍ତ ସମୟରେ ସମ୍ବଲପୁର ସଦର ଇଆରଓ(ନିର୍ବାଚନ ପଞ୍ଜୀକରଣ ଅଧିକାରୀ) ଓ ଉପଜିଲ୍ଲାପାଳ ଡ଼ ପୁଷ୍ପାଞ୍ଜଳି ପଣ୍ଡା , ଏଇଆରଓ ଶ୍ରୀ ମନୋଜ ପ୍ରଭାକର କୁଜୁର, ସୀମା ସବିତା କୁଲୁ ଏବଂ ସୁଶାନ୍ତ ସାହୁ , ଆସିଷ୍ଟାଣ୍ଟ କଲେକ୍ଟର ଶ୍ରୀ ସୁଶାନ୍ତ ନାୟକ, ଡେପୁଟି କଲେକ୍ଟର ନିର୍ବାଚନ ଶ୍ରୀ ସଂଜୀବ ମେହେର , ଡେପୁଟି କଲେକ୍ଟର ଶ୍ରୀ ଅଭିଷେକ କିସାନ ଙ୍କ ସମେତ ସମ୍ପୃକ୍ତ ବିଏଲ୍ଓ ସୁପରଭାଇଜରମାନେ ଉପସ୍ଥିତ ଥିଲେ । ଏହି ଗସ୍ତ ସମୟରେ ଶ୍ରୀ ଯାଦବ ବିଏଲଓମାନଙ୍କ ସହ ଆଲୋଚନା କରିଥିଲେ | ବିଏଲଓମାନେ ପ୍ରକାଶ କରିଥିଲେ ଯେ ସେମାନେ ନିଜ ନିଜ ବୁଥ୍ ର ଲୋକଙ୍କ ସହିତ ପରିଚିତ ଏବଂ ନୂତନ ଯୋଗ୍ୟ ଭୋଟର ଏବଂ ନବବିବାହିତଙ୍କୁ ଅନ୍ତର୍ଭୁକ୍ତ କରିବା ଏବଂ ମୃତ୍ୟୁ, ସ୍ଥାୟୀ ସ୍ଥାନାନ୍ତର ଏବଂ ବିବାହ କାରଣରୁ ନାମ ବାଦ ହେବା ବିଷୟରେ ସଚେତନ ଅଛନ୍ତି | ସେମାନେ ବିଏଲ୍ଓ ରେଜିଷ୍ଟର ରକ୍ଷଣାବେକ୍ଷଣ କରିଛନ୍ତି ଏବଂ ନିଜ ନିଜ ଅଞ୍ଚଳରେ ସଂଯୋଗ, ନାମ ବାଦ୍ କରିବା , ସଂଶୋଧନ ଏବଂ ସ୍ଥାନାନ୍ତର ସମ୍ବନ୍ଧୀୟ ସମସ୍ତ ପ୍ରଶ୍ନର ଉତ୍ତର ଦେଇଛନ୍ତି।
ଗୃହ ପରିଦର୍ଶନ ଅନୁଯାୟୀ ସମସ୍ତ ଫର୍ମ (ଫର୍ମ-୬, ଫର୍ମ-୭ ଓ ଫର୍ମ-୮) ସଂଗ୍ରହ ଓ ଡିଜିଟାଇଜେସନ୍ ହୋଇଛି କି ନାହିଁ ତାହା ଠିକ୍ ଭାବେ ଯାଞ୍ଚ କରିବା ସହ ଭୋଟର ତାଲିକାରୁ ବାଦ୍ ପଡ଼ିବା ପାଇଁ ଶତ ପ୍ରତିଶତ ଯୋଗ୍ୟ ଭୋଟର ଓ ନୂଆ ଯୁବ ଭୋଟରଙ୍କୁ ଭୋଟର ତାଲିକାରେ ଅନ୍ତର୍ଭୁକ୍ତ କରିବା ଏବଂ ମୃତ, ସ୍ଥାନାନ୍ତରିତ ଓ ବହୁବାର ପଂଜିକୃତ ଭୋଟରଙ୍କ ପାଇଁ ଫର୍ମ-୭ ସଂଗ୍ରହ କରିବାକୁ ଶ୍ରୀ ଯାଦବ ବିଏଲଓମାନଙ୍କୁ ପରାମର୍ଶ ଦେଇଥିଲେ ।
ଉତ୍ତରାଞ୍ଚଳ ରାଜସ୍ୱ ଆୟୁକ୍ତ ଶ୍ରୀ ଯାଦବ ସମସ୍ତ ଉପସ୍ଥିତ ଅଧିକାରୀ ମାନଙ୍କୁ ତୁରନ୍ତ ପ୍ରାପ୍ତ ଫର୍ମଗୁଡ଼ିକର ଡିଜିଟାଇଜେସନ୍ ସମ୍ପୂର୍ଣ୍ଣ କରିବା, ଉଚ୍ଛେଦ ସମ୍ବନ୍ଧୀୟ ଫର୍ମ-୭ର ସମାଧାନ କରିବା ସମୟରେ ସମସ୍ତ ପ୍ରକ୍ରିୟା ଅନୁସରଣ କରିବା ଏବଂ ଦାବି ଓ ଆପତ୍ତିର ସମାଧାନ ପରେ ଇ-ରୋଲ୍ ଅପଡେଟ୍ କରିବା, ୨୪.୧୧.୨୦୨୪ରେ ସ୍ୱତନ୍ତ୍ର ଅଭିଯାନ ଆୟୋଜନ କରାଯାଇ ଅଧିକ ପ୍ରଭାବଶାଳୀ କରିବା, ଯଥେଷ୍ଟ ପଦକ୍ଷେପ ଗ୍ରହଣ କରିବା ଯେପରି କୌଣସି ଯୋଗ୍ୟ ଭୋଟର ବାଦ୍ ପଡ଼ିବେ ନାହିଁ ଏବଂ ଭୋଟର ତାଲିକାକୁ ସୁସ୍ଥ କରିବା ପାଇଁ ପରାମର୍ଶ ଦେଇଥିଲେ । ଏହି ସ୍ବତନ୍ତ୍ର ସଂକ୍ଷିପ୍ତ ସଂଶୋଧନ ୨୦.୮.୨୪ରୁ ଆରମ୍ଭ ହୋଇ ଏବଂ ୬.୧.୨୫ରେ ଭୋଟର ତାଲିକାର ଚୂଡ଼ାନ୍ତ ପ୍ରକାଶନ ସହିତ ଶେଷ ହେବ ।