ରାଜକିଶୋର ତ୍ରିପାଠୀ29/11/2024 at 1:36 PM
ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ) ଆଜି ସହରର କୁଞ୍ଜ ଛକ ପାଖରୁ ଜିଲ୍ଲା ଅବକାରୀ ବିଭାଗ ପାଞ୍ଚ ଜଣ ଚୋରା ଚାଲାଣ କରୁଥିବା ଗଞ୍ଜେଇ ବେପାରୀଙ୍କୁ ଗିରଫ କରିବାରେ ସଫଳ ହୋଇଛି। ଅବକାରୀ ବିଭାଗ କୌଣସି ସୁତ୍ରରୁ ଖବର ପାଇ ସୋନପୁର – ବୌଦ୍ଧ ରାସ୍ତାରେ ଯାଞ୍ଚ କରୁଥିବା ବେଳେ ବୌଦ୍ଧ ପଟରୁ ଆସୁଥିବା ଏକ ମାହିନ୍ଦ୍ରା ସ୍କର୍ପିଓ ଗାଡ଼ି ନଂ OD15AA-6331କୁ ଅଟକାଇ ଯାଞ୍ଚ କରିବାରୁ ସେଥିରୁ ୨ ଟି ଜରି ଅଖାରେ ଭର୍ତ୍ତି ଥିବା ୫୦ କେଜି ଗଞ୍ଜେଇ ଜବତ କରିବା ସହ ଗାଡିରେ ଥିବା ୫ ଜଣ ବେପାରୀ ଆସାମର କରୀମଗଞ୍ଜ ଜିଲ୍ଲା ନିବାସୀ ମହଫୁଜ ହୁସେନ(୨୪), ବରଗଡ ଜିଲ୍ଲା ବୁଡେନ ଥାନା ଅଞ୍ଚଳର ମନୋଜ ସାହୁ(୨୮), ଝାରବନ୍ଧ ଥାନା ଅନ୍ତର୍ଗତ ତୁର୍ଲା ର ସତ୍ୟାନନ୍ଦ ବେହେରା (୩୧) ଏଵଂ ଝାରସୁଗୁଡ଼ା ଟାଉନ ଥାନା ଅଞ୍ଚଳ ର ଝୋଥିକା ଦାସ(୨୫), ଲଇକେରା ଥାନା କିମିରା ର ଜୀତେନ୍ଦ୍ର ପଟେଲ(୨୮)କୁ ଗିରଫ କରିଛି ଅବକାରୀ ବିଭାଗ। ଅବକାରୀ ଏସପି ପ୍ରବୀର ସାମଲ ଙ୍କ ନିର୍ଦ୍ଦେଶରେ ଏହି ଚଢାଉ ରେ ଅବକାରୀ ଇନ୍ସପେକ୍ଟର ପ୍ରକାଶ ସା ଙ୍କ ନେତୃତ୍ଵରେ ବିଭାଗ ର କର୍ମଚାରୀମାନେ କୁଞ୍ଜ ଛକ ପାଖରେ ଅପରାହ୍ନ ୩ଟା ବେଳେ ଏହି ଚଢାଉ କରିଥିବା ବେଳେ ପରେ ସନ୍ଧ୍ୟା ପ୍ରାୟ ୭ ଟା ବେଳେ ଅଭିଯୁକ୍ତ ମାନଙ୍କୁ ଗିରଫ କରିଥିଲେ। ତେବେ ଅଭିଯୁକ୍ତ ମାନଙ୍କୁ ଗୁରୁବାର କୋର୍ଟ ଚଲାଣ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।