ଗଣେଶ୍ଵର ଉଚ୍ଚ ବିଦ୍ୟାଳୟରେ ବାର୍ଷିକୋତ୍ସବ ଅନୁଷ୍ଠିତ
ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ) ଗତକାଲି ଉଲୁଣ୍ଡା ବ୍ଲକ ସ୍ଥିତ ପଞ୍ଚମହଲା ଗ୍ରାମ ର ଗଣେଶ୍ୱର ଉଚ୍ଚ ବିଦ୍ୟାଳୟ ଠାରେ ବାର୍ଷିକୋତ୍ସବ ମହାସମାରୋହରେ ପାଳନ ହୋଇଯାଇଛି।ଏଥିରେ ମୁଖ୍ୟ ଅତିଥି ଭାବରେ ପଞ୍ଚମହଲା ସେବା ସମିତିର ସଭାପତି ନରେନ୍ଦ୍ର ଆଚାର୍ଯ୍ୟ ଯୋଗ ଦେଇ ସମାରୋହ କୁ ଉଦଘାଟନ କରିଥିଲେ । ବିଦ୍ୟାଳୟ ର ପ୍ରଧାନ ଶିକ୍ଷକ ଲାଲ ବାବୁ ସେଠୀ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିବା ସଭାକାର୍ଯ୍ୟରେ ସମ୍ମାନିତ ଅତିଥି ଭାବରେ ଉଲୁଣ୍ଡା ବ୍ଲକ ର ଏବିଇଓ ଯୋଗେଶ୍ଵର ଦାଶ ପଞ୍ଚାୟତ ସମିତି ସଭ୍ୟା ରେବତୀ ସୁରୁଜାଲ, ପଞ୍ଚମହଲା କ୍ଲଷ୍ଟର ସିଆରସି ବିଶ୍ଵଜିତ ଆଚାର୍ଯ୍ୟ, ମୋ ସ୍କୁଲ୍ ଅଭିଯାନ ର ପୂରାତନ ଛାତ୍ର ବିମଳ ଜଗଦଲା ପ୍ରମୁଖ ଯୋଗଦେଇ ବିଦ୍ୟାଳୟ ର କୃତି ଛାତ୍ରଛାତ୍ରୀ ଙ୍କୁ ପୁରସ୍କାର ବିତରଣ କରିଥିବା ବେଳେ ବିଦ୍ୟାଳୟ ର ସମସ୍ତ ବିଷୟ ଭିତ୍ତିକ ଶିକ୍ଷୟିତ୍ରୀ ଙ୍କୁ ପ୍ରଧାନ ଶିକ୍ଷକ ଙ୍କ ପ୍ରଦତ୍ତ ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ। ବିଜ୍ଞାନ ଶିକ୍ଷକ ରୋହିତ କୁମାର ଦଣ୍ଡସେନା ଉତ୍ସବ ପରିଚାଳନା କରିଥିବା ବେଳେ ଶିକ୍ଷକ ସୌମିତ୍ରୀ ପାଢ଼ୀ, ଦିଲ୍ଲୀପ କୁମାର ସାହୁ, ବି.ସ୍ଵାତି ମୁଚ୍ୟମ୍ ମୁଚ୍ଚୟମ ପାତ୍ର, ସର୍ମିଷ୍ଠା ମହାକୁଲ , ସୋନାଲି ଗୌତମ ସମସ୍ତ କାର୍ଯ୍ୟକ୍ରମ ରେ ସହଯୋଗ କରିଥିବାବେଳେ ବିଦ୍ୟାଳୟ ର ସଂସ୍କୃତ ଶିକ୍ଷକ ପଣ୍ଡିତ ଦିଲ୍ଲୀପ କୁମାର ସାହୁ ଧନ୍ୟବାଦ ପ୍ରଦାନ କରିଥିଲେ। ଏହି ଅବସରରେ ବିଦ୍ୟାଳୟ ର ଚଳିତ ବର୍ଷ ର ବେଷ୍ଟ୍ ଷ୍ଟୁଡେଣ୍ଟ୍ ହିସାବରେ ଲିପ୍ସା ମହାକୁଡ଼ ଓ ଅନିଲ ବଗର୍ତ୍ତି ଙ୍କୁ ସମ୍ବର୍ଦ୍ଧିତ କରାଯାଇଥିଲା ପରେ ଛାତ୍ର ଛାତ୍ରୀମାନଙ୍କ ଦ୍ଵାରା ଉଚ୍ଚକୋଟୀର ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ଯାହାକି ଉପସ୍ଥିତ ସମସ୍ତ ଅଭିଭାବକ ଅଭିଭାବିକା ତଥା ଗ୍ରାମବାସୀ ବହୁତ ସମୟ ଧରି ଉପଭୋଗ କରିଥିଲେ।
